Cauliflower Masala Curry

காலி ப்ளோவேர் மசாலா கறி :  இதை காய் வகையில் சேர்ப்பதா அல்லது பூவிலா? எப்படியாயினும் இந்த காய் சிலருக்கு மிக விருப்பமானது. சிலருக்கு இதன் வாசனை பிடிப்பதில்லை. அதனால் பெரும்பாலும் மாவுடன் கலந்து எண்ணையில் பொறித்து மஞ்சூரியன் என்ற உணவாக சாப்பிடுகிறார்கள். பொதுவாக பொரியலாகவோ அல்லது மசாலா சேர்த்த கறியாகவோ செய்வது வழக்கம். இங்கு மசாலா சேர்த்து செய்யும் விதத்தை பார்ப்போம்.

தேவையான பொருட்கள் :

காலி ப்ளோவேர் துண்டுகள்                 : 1/2 Cup
காரட் துண்டுகள்                                     : 1/4 Cup
பச்சை பட்டாணி                                      : 1/4 Cup
குடை மிளகாய்  துண்டுகள்                   : 3 Tbsp

மசாலா அரைக்க :

தேங்காய் துறுவல்                                   : 3 Tsp
சீரகம்                                                          : 1/2 Tsp
பெருஞ்சீரகம் ( சோம்பு )                          : 1/2 Tsp
கொத்தமல்லி விதை                               : 1/4 Tsp
பச்சை மிளகாய்                                         : 1 அ 2
பூண்டு பற்கள்                                             : 2 அ 3
சின்ன வெங்காயம்                                   : 5 அ 6
அல்லது
பெரிய வெங்காயம்                                   : 1 சிறியது
கருவேப்பிலை                                            : 20 ( விருப்பப்பட்டால் )
கொத்தமல்லி தழை                                  : 3 Tbsp (  விருப்பப்பட்டால் )
உப்பு                                                               : 2 சிட்டிகை

தாளிக்க :

கடுகு                                                              : 1/2 Tsp
உளுத்தம் பருப்பு                                          : 1 Tsp
எண்ணெய்                                                    : 1 Tsp

செய்முறை :

காலி ப்ளோவேர், காரட் துண்டுகளை தனி தனியாக தேவையான உப்புடன்  வேகவைத்து எடுத்து வைக்கவும்.
பட்டாணியையும் உப்பு சேர்த்து வேகவைக்கவும்.

மசாலா பொருட்கள் அனைத்தையும் வெங்காயம் நீங்கலாக முதலில் தண்ணீர் சேர்க்காமல் நன்கு அரைக்கவும்.
பிறகு தண்ணீர் சிறிது சேர்த்து அரைக்கவும்.
கடைசியாக வெங்காய துண்டுகளை  ஒன்றிரண்டாக அரைத்துக்கொள்ளவும்.
தனியே எடுத்து வைக்கவும்.
வாணலியில் எண்ணெய் விட்டு கடுகை வெடிக்க விடவும்.
பின் உளுத்தம் பருப்பை சிவக்க வறுக்கவும்.
முதலில் குடை மிளகாய் துண்டுகளை  சுமார் ஒரு நிமிடம் வதக்கவும்.
இப்போது வேகவைத்த மற்ற காய்கறிகளையும் பட்டாணியையும் சேர்த்து ஒன்றிரண்டு நிமிடங்களுக்கு வதக்கவும்.

அரைத்த மசாலாவை சேர்த்து கலக்கி விடவும்.

சிறிது நேரத்திற்கு ஒரு முறை கிளறி விடவும்.
தண்ணீர் வற்றி மசாலா காலி ப்ளோவேர் மற்றும் இதர காய்கறிகளில் மேல் பூச்சு போல் வந்தவுடன் இறக்கி பரிமாறும்  பாத்திரத்தில் எடுத்து வைக்கவும்.
கொத்தமல்லி தழையினால் அலங்கரிக்கவும்.

இந்த மசாலா கறி சாம்பார் சாதத்திற்கு மற்றும் ரசம் சாதத்திற்கு ஏற்ற துவட்டல் ஆகும்.









மேலும் சில அருமையான சமையல் குறிப்புகள் முயற்சி செய்து பார்க்க

சுண்டைக்காய் மசாலாகறி	காலிப்ளவர் உருளை மசாலா கறி	சேப்பங்கிழங்கு மசாலா கறி
பலாமுசு மசாலா கறி	கொள்ளு சுண்டல்