Search This Blog

Thursday, September 22, 2016

Papaya-Pineapple-Salad

#பப்பாளிஅன்னாசிசாலட் : #பப்பாளிக்காய் மற்றும் #அன்னாசி உபயோகித்து செய்த இந்த #சாலட் மிகவும் ருசியும் சத்தும் நிறைந்தது.
பப்பாளிக்காய் பப்பாளி பழத்தை விட உடலுக்கு மிகவும் நல்லது. இதன் காயில்  பப்பாயின் [ papain ] மற்றும் கைமோபப்பாயின் [ chymopapain ] ஆகிய என்ஸைம்கள் அதிக அளவில் உள்ளன. இவை செரிமானத்திற்கும் முக்கியமாக கொழுப்பை கரைப்பதற்கு நோய் எதிர்ப்பதற்கும் உதவுகின்றன. சர்க்கரை நோய் உள்ளவர்கள் பப்பாளி காயை அதிக அளவில் எடுத்துக்கொள்வது நல்லது. பொட்டாசியம் அதிக அளவில் உள்ளது.
நார்சத்து அதிக அளவில் கொண்டது.
அன்னாசியில் அறிய தாதுக்களும் வைட்டமின்களும் நிறைந்துள்ளது. குறிப்பாக வைட்டமின் C அதிக அளவில் கொண்டுள்ளது. நார்ச்சத்தும் நிறைந்துள்ளது.
இத்தகைய மருத்துவ குணங்களை கொண்டுள்ளவற்றை கொண்டு ஒரு சத்தான மற்றும் சுவையான சாலட் செய்வதெப்படி என காணலாம்.


பப்பாளி அன்னாசி சாலட்


தேவையானவை :
பெரிய துண்டுபப்பாளிக்காய்
3 or 4 துண்டுகள்அன்னாசி
5 - 6வல்லாரை இலைகள் [ இருந்தால் ]
1 tbspகொத்தமல்லி தழை நறுக்கியது
7 - 8புதினா இலைகள், நறுக்கிக்கொள்ளவும்
1பச்சை மிளகாய், பொடியாக நறுக்கவும்
1/4 Tspமிளகுப்பொடி
1/2 Tspஉப்பு [ அட்ஜஸ்ட் ]
1/2 Tspஎலுமிச்சை சாறு [ அட்ஜஸ்ட் ]

செய்முறை :
பப்பாளி காய் சிறிது செங்காயாக எடுத்துக்கொள்ளவும்.
அதே போல அண்ணாச்சியும் செங்காயாக இருந்தால் சாலட் கூடுதல் சுவையுடன் இருக்கும்.
இவை இரண்டையும் மெல்லிய நீள நீள துண்டுகளாக வெட்டிக்கொள்ளவும்.


கொடுக்கப்பட்டுள்ள அனைத்து பொருட்களையும் ஒரு சுத்தமான பாத்திரத்தில் போட்டு நன்கு கலந்து விடவும்.
அவரவர் சுவைக்கு ஏற்ப எலுமிச்சை சாறு மற்றும் உப்பு சரி பார்க்கவும்.


சுவையும் சத்தும் நிரம்பிய அருமையான சாலட் தயார். இதனை காலை உணவாக எடுத்துக்கொள்ளலாம்.
உண்டு மகிழுங்கள்!!!

பப்பாளி அன்னாசி சாலட்









மேலும் சில பச்சடி வகைகள் செய்து சுவைக்க

வாழைப்பூ வாழைத்தண்டு தயிர் பச்சடி
வாழைப்பூ தயிர் 
பச்சடி
பப்பாளி காரட் சாலட்
பப்பாளி காரட் 
சாலட்
பப்பாளி முள்ளங்கி சாலட்
பப்பாளி முள்ளங்கி சாலட்
மாங்காய் பச்சடி
மாங்காய்
பச்சடி
வாழைத்தண்டு தயிர் பச்சடி
வாழைத்தண்டு தயிர் பச்சடி







Thursday, September 15, 2016

Vazhaipoo-Mullangi-Poriyal

#வாழைப்பூமுள்ளங்கிபொரியல் : அறுசுவைகளில் ஒன்றான துவர்ப்பு சுவையுடைய வாழைப்பூவை அன்றாடம் நமது உணவில் சேர்த்துக்கொள்ள வேண்டும். அனால் அதன் துவர்ப்பு சுவை காரணமாக பலர் தவிர்த்து விடுகின்றனர். பருப்பு உசிலி செய்தால் அதன் சுவை சிறிது மட்டுப்படும். ஆனால் பருப்பு உசிலி செய்ய கூடுதல் நேரம் செலவாகும். இதனை மனதில் கொண்டு சில சுவை மிகுந்த காய்கறிகளான கேரட், பீட்ரூட் மற்றும் முள்ளங்கி போன்றவற்றுடன் வாழைப்பூவை சேர்த்து பொரியல் செய்து சுவைக்க ஆரம்பித்து விட்டேன். இதனால் இரு வேறு வகையான காய்கறிகளின் சத்தும் சுவையும் ஒருசேர நமக்கு கிடைக்கிறது.
இங்கு வாழைப்பூ, முள்ளங்கி மற்றும் பயத்தம் பருப்பு ஆகியவற்றை உபயோகித்து பொரியல் செய்வதெப்படி என காணலாம்.

வாழைப்பூ முள்ளங்கி பொரியல்

தேவையானவை :
1/2 கப்வாழைப்பூ நறுக்கியது
3/4 கப்முள்ளங்கி துருவியது
1/8 கப்பயத்தம் பருப்பு
2 Tspகுடை மிளகாய் [ இருந்தால் ]
3 Tspதேங்காய் துருவல்
1/4 கப்வெங்காயம் நறுக்கியது
2 சிட்டிகைமஞ்சத்தூள்
6 or 7கருவேப்பிலை [ விரும்பினால் ]
2பச்சை மிளகாய் [ அட்ஜஸ்ட் ]
1/2 Tspகடுகு
1/2 Tspஉளுத்தம் பருப்பு
3/4 Tspஉப்பு [ அட்ஜஸ்ட் ]
1 Tspஎண்ணெய்

அலங்கரிக்க கொத்தமல்லி தழை

செய்முறை :
பொரியல் செய்ய துவங்குவதற்கு அரைமணி நேரத்திற்கு முன்பு முள்ளங்கியை தோல் நீக்கி துருவவும்.
ஒரு வாயகன்ற பாத்திரத்தில் பயத்தம் பருப்பை எடுத்து கழுவிய பின்னர் தண்ணீரை முழுவதுமாக வடித்து விட்டு முள்ளங்கி துருவலை சேர்த்து உப்பு போட்டு கலந்து தனியே வைக்கவும்.
முள்ளங்கியுடன் உப்புடன் சேர்த்து கலந்து வைத்திருப்பதால் நீர் விட ஆரம்பிக்கும்.
இந்த நீரில் பயத்தம் பருப்பு ஊறி விடும்.

அரை மணி நேரம் கழித்து அடுப்பின் மீது வாணலியை வைத்து எண்ணெய் விட்டு சூடாக்கவும்.
கடுகு சேர்த்து வெடித்த பின்னர் உளுத்தம் பருப்பை சேர்த்து சிவக்கும் வரை காத்திருக்கவும்.
 அடுத்து கருவேப்பிலை மற்றும் நீளமாக கீறிய பச்சை மிளகாய் போட்டு அரை நிமிடம் வதக்கவும்.
நறுக்கிய வெங்காயம் மற்றும் மஞ்சத்தூள் சேர்த்து வெங்காயம் வெளிர் நிறமாக மாறும் வரை வதக்கவும்.
அடுத்து வெட்டி வைத்துள்ள குடை மிளகாயை போட்டு ஒரு நிமிடம் வதக்கவும்.
இப்போது நறுக்கி வைத்துள்ள வாழைப்பூ மற்றும் அதற்கு தேவையான உப்பு சேர்த்து ஒரு முறை கிளறி விட்ட பின் முள்ளங்கியை சிறிது கையால் பிழிந்து விட்ட பின் சேர்க்கவும்.
நன்கு கிளறி விட்ட பின்னர் ஒரு மூடி போட்டு மூடி  தீயின் மீது வேக விடவும்.

ஐந்து நிமிடங்களுக்குள்  வாழைப்பூவும் முள்ளங்கியும் வெந்து விடும்.
உப்பு சரி பார்த்த பின்னர் தேங்காய் துருவல் சேர்த்து கிளறவும்.

பரிமாறும் கிண்ணத்தில் எடுத்து வைக்கவும்.
கொத்தமல்லி தழையால் அலங்கரிக்கவும்.
மதிய உணவின் போது சாம்பார் மற்றும் ரசம் சாதத்திற்கு உகந்த பொரியல் ஆகும்.

வாழைப்பூ முள்ளங்கி பொரியல்

வாழைப்பூ முள்ளங்கி பொரியல்






சில சமையல் குறிப்புகள் முயற்சி செய்து பார்ப்பதற்காக

குதிரைவாலி வாழைப்பூ புலாவ்
குதிரைவாலி வாழைப்பூ புலாவ்
வாழைப்பூ குழம்பு
வாழைப்பூ
குழம்பு
வாழைப்பூ மிளகு குழம்பு
வாழைப்பூ மிளகு குழம்பு
வாழைப்பூ வடை மோர் குழம்பு
வாழைப்பூ வடை மோர் குழம்பு
வாழைப்பூ விரல்கள்
வாழைப்பூ
விரல்கள்





Monday, September 5, 2016

Dosai-Varieties

#தோசை வகைகள் : தமிழ் நாட்டில் பாரம்பரியமாக செய்யப்படும் சிற்றுண்டிகளில் ஒன்று தோசை. சிறியவர் முதல் பெரியவர் வரை விரும்பி உண்ணப்படுவது தோசை. ஒரே மாவை உபயோகப்படுத்தி செய்யப்படும் உணவு இட்லியும் தோசையும் ஆகும். ஆவியில் வேகவைத்து எடுக்கப்படும் இட்லியைக் காட்டிலும் தோசை கல்லில் எண்ணெய் விட்டு சுட்டெடுக்கப் படும் தோசையின் ருசிக்கு அடிமையானவர்கள் பல பேர்.
அரிசி, உளுத்தம் பருப்பு மற்றும் வெந்தயம் ஆகியவற்றை சரியான விகிதத்தில் அளந்தெடுத்து ஊறவைத்து மாவரைத்து புளிக்க விடவேண்டும்.
புளித்த மாவை சூடாக்கப்பட்ட தோசை கல்லின் மேல் பரப்பி எண்ணெய் விட்டு சுவையான தோசை தயாரிக்கப்படுகிறது.
தோசையை பலவாறாக ஊற்றி எடுக்கலாம். மெத்து மெத்தென்று சிறிது கனமாக சுட்டெடுக்கலாம். மிகவும் மெல்லியதாக தோசை கல்லின் மீது பரப்பி சிறிது அதிகமாக எண்ணெய் விட்டு முறுகல் தோசை செய்யலாம். இத்தகைய முறுகல் தோசையை விரும்புவோர் பலர்.

இதே மாவை தோசைக்கல்லின் மீது பரப்பி அரிந்த வெங்காயத்தை மேலே தூவி ஊதப்பமாக சுட்டெடுக்கலாம்.

இது தவிர உடனடியாக ஊற்றக்கூடிய தோசைகளும் செய்யலாம். இத்தகைய உடனடி தோசைகளுக்கு தேவையான மாவை கோதுமை மாவு, அரிசி மாவு, ரவா, கம்பு மாவு, கேழ்வரகு மாவு மற்றும் சிறு தானிய மாவு போன்ற உலர்ந்த மாவை குறிப்பிட்ட விகிதத்தில் தண்ணீர் விட்டு கரைத்து உடனே மெல்லிய தோசை தயாரிக்கலாம்.

இங்கு தோசை மாவு அரைத்தெடுப்பது முதல் தோசை ஊற்றும் முறை மற்றும் வித விதமான தோசை வகைகளின் இணைப்பை காணலாம்.



தோசை மாவு
தோசை மாவு
மசால் தோசை
மசால் தோசை
தோசை
தோசை
கம்பு தோசை
கம்பு தோசை
பொடி தோசை
பொடி தோசை
ஓட்ஸ் தோசை
ஓட்ஸ் தோசை
முடக்கத்தான் தோசை
முடக்கத்தான் தோசை
பசலைக்கீரை தோசை
பசலைக்கீரை தோசை
கேழ்வரகு தோசை 1
கேழ்வரகு தோசை 1
கேழ்வரகு தோசை 2
கேழ்வரகு தோசை 2
ரவா தோசை
ரவா தோசை
கோதுமை தோசை
கோதுமை தோசை
சோள தோசை
சோள தோசை
தினை தோசை
தினை தோசை
தினை மாவு தோசை
தினை மாவு தோசை
நீர் தோசை
நீர் தோசை
குதிரைவாலி நீர் தோசை
குதிரைவாலி நீர் தோசை
சாமை அரிசி கஞ்சி தோசை
சாமை அரிசி கஞ்சி தோசை
வெந்தயக்கீரை கடலை மாவு தோசை
வெந்தயக்கீரை கடலை மாவு தோசை
வரகரிசி நீர் தோசை
வரகரிசி நீர் தோசை



தோசைக்கு தொட்டுக்கொண்டு சாப்பிட சட்னி வகைகள் மற்றும் சாம்பார் / குழம்பு வகைகள் ஆகியவற்றிற்கு கீழே உள்ள இணைப்பை சொடுக்கவும்

தொட்டுக்க