Vazhakkai-Poriyal

 #வாழைக்காய்பொரியல் : #வாழைக்காய் உபயோகித்து ஒரு மிக மிக எளிமையான பொரியல் செய்யலாம். மரத்திலிருந்து உடனடியாக பறித்து செய்யும் போது மிக மிக சுவையாக இருக்கும்.

தேவையானவை :
1	வாழைக்காய்
2 சிட்டிகை	மஞ்சத்தூள்
1 Tbsp	தேங்காய் துருவல்
1/2 Tsp	உப்பு [ அட்ஜஸ்ட் ]
தேவையானவை :
1/2 Tsp	கடுகு
1	சிகப்பு மிளகாய் [ அட்ஜஸ்ட் ]
1 Tsp	உளுத்தம் பருப்பு
10	கருவேப்பிலை இலைகள்
1 Tsp	எண்ணெய்

கொத்தமல்லி தழை அலங்கரிக்க [ விருப்பப்பட்டால் ]

செய்முறை :
வாழைக்காயை தோல் சீவி வைக்கவும்.
அடுப்பில் வாணலியை வைத்து எண்ணெய் ஊற்றி குறைந்த தீயில் சூடாக்கவும்.
சூடானதும் கடுகை வெடிக்கவிட்டு மிளகாயை கிள்ளி போடவும்.
அடுத்து உளுத்தம் பருப்பையும் சேர்த்து சிவக்கும் வரை காத்திருக்கவும்.
கருவேப்பிலையை கிள்ளி போட்டு வாழைக்காயை 1/2 அங்குல துண்டுகளாக வெட்டி சேர்க்கவும்.
மஞ்சத்தூள் மற்றும் உப்பு சேர்த்து சிறிது தண்ணீர் சேர்த்து கிளறி விடவும்.
மூடி போட்டு வேக விடவும்.
வெந்ததும் உப்பு சரி பார்த்து தேங்காய் துருவலை சேர்க்கவும்.
நன்கு கிளறி விட்டு அடுப்பை அணைத்து விடவும்.
பரிமாறும் கிண்ணத்தில் எடுத்து வைக்கவும்.
கொத்தமல்லி தூவி பரிமாறவும்.

மதிய உணவிற்கு சாம்பார் மற்றும் ரசம் சாதம் ஆகியவற்றுடன் ருசிக்க அருமையாக இருக்கும்.

குறிப்பு :
வாழைக்காயை அரிந்தவுடன் உபயோகப்படுத்தவும்.
இல்லையென்றால் அரிந்த துண்டுகளை தண்ணீரில் போட்டு வைக்கவும்.
அப்போதுதான் நிறம் மாறாமல் இருக்கும்.

வாழைப்பூ பருப்புசிலி	காலிப்ளவர் பொரியல்	காலிப்ளவர் மஞ்சூரியன்
கேரட் பொரியல்	பலாமுசு மசாலா கறி

Vazhakkai Podimaas

#வாழைக்காய் பொடிமாஸ் : #பொடிமாஸ் என்றவுடனேயே உருளை கிழங்கு பொடிமாஸ்தான் எல்லோருக்கும் நினைவிற்கு வரும். உருளை கிழங்கு பொடிமாஸ் வேகவைத்த உருளை கிழங்குடன் வெங்காயம் மற்றும் சில மசாலா சாமான்களை உபயோகப் படுத்தி செய்யப்படும் ஒரு கறியாகும்.
அதே போல வாழைக்காயையும் உபயோகித்து செய்யலாம். உருளை கிழங்கு பொடிமாஸ் போலவே மிக்க ருசியாய் இருக்கும்.
இனி செய்வது எப்படி என பார்ப்போம்.

தேவையான பொருட்கள் :
1                                            வாழைக்காய்
1 சிட்டிகை                          மஞ்சத்தூள்
1/4 Tsp                                  மிளகாய் தூள் 
1/4 Tsp                                  உப்பு
1/2                                        வெங்காயம், பொடியாக நறுக்கவும்
8                                           கறுவேப்பிலை
1 Tbsp                                   தேங்காய் துருவல் 

தாளிக்க :
1 Tsp                                     கடுகு
1 Tsp                                     உளுத்தம் பருப்பு
2                                           சிகப்பு மிளகாய், உடைத்து வைக்கவும்
1/4 Tsp                                 பெருங்காய தூள்
1 Tsp                                    எண்ணெய்

செய்முறை :
ஒரு வாயகன்ற பாத்திரத்தில் வாழைக்காயை தோல் நீக்கி எடுத்துகொள்ளவும்.
அது மூழ்கும் அளவிற்கு தண்ணீர் ஊற்றி மஞ்சத்தூள் மற்றும் உப்பு சேர்த்து கொதிக்கவைக்கவும்.

காய் முக்கால் பாகம் வெந்தால் போதுமானது.

சிறிது சூடு ஆறியதும் காரட் துருவியில் துருவி வைக்கவும்.

அடுப்பில் வாணலியை வைத்து எண்ணெய் விடவும்.
கடுகு வெடிக்க விட்ட பின்னர் உளுத்தம் பருப்பு, சிகப்பு மிளகாய், பெருங்காய தூள் சேர்த்து வறுக்கவும்.
பருப்பு சிவந்த பின் மஞ்சத்தூள் ஒரு சிட்டிகையும், மிளகாய் தூள்  கருவேப்பிலையையும் சேர்க்கவும்.
இப்போது வாழைக்காய் துருவியதை சேர்த்து நன்கு கிளறவும்.

மூடியால் மூடி ஓரிரு நிமிடங்கள் சிறிய தீயின் மேல் அடுப்பில் வைத்திருக்கவும்.
.பின்னர் திறந்து தேங்காய் சேர்த்து கிளறி பரிமாறும் பாத்திரத்தில் எடுத்து வைக்கவும்.

மதிய உணவின் போது  சாம்பார் சாதத்துடன் மற்றும் ரசம் சாதத்துடன் மிக அருமையாக இருக்கும்.