Buckwheat Soup

#பாப்பரைசூப் : #பாப்பரை [ #buckwheat ]யை பற்றி வலை தளத்தில் படித்த போது, இதனை சாலட் வகைகளிலும் மேலும் கஞ்சி செய்வதற்கும் பயன் படுத்தினார்கள் என அறிந்தேன்.

 #சூப் என்பது கஞ்சியின் ஒரு வடிவம்தானே ! அதனால் சில காய்கள் மற்றும் காளான் கொண்டு செய்து பார்க்கலாம் என முயற்சித்தேன். நன்றாக இருந்ததால் உங்களிடம் பகிர்ந்து கொள்கிறேன்.

தேவையான பொருட்கள் :
2 Tbsp                                 பாப்பரை வேகவைத்தது
1 Tsp                                   காரட் மெல்லியதாக அரிந்தது
1 Tsp                                   முட்டைகோஸ்  மெல்லியதாக அரிந்தது
2                                          காளான் பொடியாக அரியவும்
2 பற்கள்                            பூண்டு நசுக்கியது
சின்ன துண்டு                 இஞ்சி நசுக்கியது
1 Tsp                                   மதராஸ் ரசப்பொடி
1/2 Tsp                                உப்பு

சுவை கூட்ட :
1/2 Tsp                               எலுமிச்சை சாறு
பூண்டு தாள், கொத்தமல்லி தழை, மற்றும் மிளகுத்தூள்

செய்முறை :
அடுப்பில் ஒரு பாத்திரத்தில் 1 கப் தண்ணீர் சூடு பண்ணவும்.
காற்று குமிழிகள் லேசாக பாத்திரத்தின் அடியில் வந்ததும் காளான் மற்றும் உப்பு தவிர மற்ற அனைத்தையும் சேர்க்கவும்.
கொதிக்க ஆரம்பித்ததும் குறைந்த தீயில் வேகவிடவும்.
முட்டைகோஸ் முக்கால் பாகம் வெந்ததும் காளானை சேர்க்கவும்.
ஒரு கொதி வந்ததும் அல்லது காளான் வெந்தவுடன் உப்பை சேர்த்து அடுப்பை அணைத்து விடவும்.
எலுமிச்சை சாரை கலந்து விடவும்.
கிண்ணத்தில் ஊற்றி மேலே பூண்டு தாள், கொத்தமல்லி இல்லை மற்றும் மிளகுத்தூள் தூவி பருகவும்.
அருமையாக இருக்கும்.
மேலும் சில சூப் வகைகள் முயற்சி செய்ய

மஷ்ரூம் சூப்

கொத்தமல்லி சூப்

தக்காளி சூப்

பப்பாளிக்காய் சூப்

மஷ்ரூம் பாலக் சூப்

Mushroom Palak Soup

#காளான்பாலக்சூப்  #மஷ்ரூம்பாலக்கீரைசூப் : #சூப் பை தமிழில் சத்தான கஞ்சி என கூறலாம். அந்தந்த காலங்களில் கிடைக்கும் காய்கறிகள், கீரை வகைகள் ஆகியவற்றை சில உடைத்த தானிய வகைகளுடன் சேர்த்து கொதிக்க வைத்து மிளகுடன் சேர்த்து பருகும் போது தேவையான சத்துக்கள் நம் உடலில் சேர்கிறது. சூப்பை செய்தவுடன் சூடாக பருகுவது அவசியம். மறுபடி மறுபடி கொதிக்க வைத்தால் சூப்பில் சேர்த்துள்ள காய் மற்றும் கீரை அதிகமாக வெந்து அதன் சத்து நமக்கு கிடைக்காமல் போக வாய்ப்பு அதிகம்.
சூப் கஞ்சி பதத்திற்கு கொண்டு வருவதற்காக பெரும்பாலும் சோள மாவு அல்லது சில சமயங்களில் மைதா மாவு சேர்க்கப் படுகிறது. அதற்கு பதிலாக உடைத்த கோதுமை, ஓட்ஸ், உடைத்த மக்காசோளம், உடைத்த கம்பு போன்ற தானிய வகைகளை சேர்ப்பதால் நார்சத்து அதிக அளவில் கிடைக்கும்.

 #பாலக்கீரை யும் காளானும் புத்தம் புதியதாக நேற்று மாலை வாங்கி வந்தேன். உடனே ஏதாவது செய்து சாப்பிடலாம்  என யோசித்த போது.... சூப் செய்யலாம் என முடிவெடுத்தேன். இனி எப்படி செய்வது  என பார்ப்போம்.

தேவையான பொருட்கள் :

1 Tbsp                                    ஓட்ஸ்
2 அ 3                                     பட்டன் காளான் ( button mushroom )
1/2 கப்                                   பொடியாக நறுக்கிய பாலக் கீரை
2 Tsp                                       பொடியாக நறுக்கிய கொத்தமல்லி தழை
2 Tsp                                       பொடியாக நறுக்கிய வெங்காயம்
1 Tsp                                       பொடியாக நறுக்கிய பூண்டு
1/2 Tsp                                    உப்பு
1/4 Tsp                                    வெண்ணெய்

சுவை கூட்ட :
தேவையான அளவு மிளகுதூள்.
2 Tsp  பொடியாக நறுக்கிய வெங்காய தாள் .

செய்முறை :
மைக்ரோவேவில் வைக்கக் கூடிய ஒரு கண்ணாடி அல்லது பீங்கான் கிண்ணத்தில் வெண்ணெய் எடுத்து கொள்ளவும்.
5 நொடி சூடாக்கவும். வெளியே எடுத்து வெங்காயத்தை சேர்த்து 15 நொடிகள் சூடாக்கவும். வெங்காயத்தின் நிறம் சற்றே மாறி வாசனை வந்தால் போதும்.

இண்டக்ஷன் அடுப்பில் 800 வெப்ப அளவில் வைத்து ஒரு பாத்திரத்தில்  1 கப் தண்ணீரை  சூடாக்கவும்.
சின்ன சின்ன காற்று குமிழ்கள் பாத்திரத்தில் அடியில் வர ஆரம்பித்தவுடன் வதக்கிய வெங்காயம் மற்றும் ஓட்ஸ் சேர்த்து கலக்கி விடவும்.
ஓட்ஸ் சேர்த்த பிறகு  வெப்ப அளவை 120 கு குறைத்து விடவும்.
ஓட்ஸ் முக்கால் பாகம்  வெந்தவுடன் கீரை மற்றும் கொத்தமல்லியை சேர்க்கவும்.
3 அல்லது 4 நிமிடங்கள் 120 வெப்ப அளவிலேயே வேக விடவும்.
கடைசியாக கழுவிய காளானை பொடி பொடியாக நறுக்கி சேர்த்து மேலும்

இரண்டு நிமிடங்கள் கொதிக்க வைத்து அடுப்பை அணைத்து விடவும்.

வெங்காயத்தை வதக்கிய கிண்ணத்தில் பூண்டை ஒரு துளி வெண்ணை சேர்த்து பொன்னிறமாக மைக்ரோவேவ் செய்துக் கொள்ளவும்.

சூப் கிண்ணத்தில் சூப்பை ஊற்றி பூண்டு , வெங்காயத்தாள் மற்றும் மிளகுதூள்
தூவி பருகவும்.

மற்ற சூப் பற்றி அறிய :

மஷ்ரூம் சூப்

கொத்தமல்லி சூப்

தக்காளி சூப்

பப்பாளிக்காய் சூப்

Mushroom Soup

#காளான்சூப் : #காளான் கள் எளிதில் வேகக் கூடியது. அதனால் எந்த வகையான சமையல் செய்யும் போதும் கடைசியில் சேர்த்து ஒன்றிரண்டு நிமிடம் வேகவைத்தாலே போதும். மேலும் வதக்கும் போது தண்ணீர் விடும். அதையும் சமைக்கும் போது  மனதில் கொள்ள வேண்டும். இங்கு மிகவும் இலகுவாக காளானை உபயோகித்து

 ஒரு #சூப் செய்யும் முறையை பார்க்கலாம்.

தேவையான பொருட்கள் :
2 அ 3                               பட்டன் காளான்
1 Tbsp                              உடைத்த மக்காச்சோளம்
1 Tbsp                              மெல்லியதாக அரிந்த முட்டைகோஸ்
1 Tsp                                காரட் துண்டுகள்
2 Tsp                                பச்சை பட்டாணி
2 Tsp                                மெல்லியதாக அரிந்த வெங்காயம்
1 Tsp                                மெல்லியதாக அரிந்த பூண்டு
1 Tsp                                மெல்லியதாக அரிந்த இஞ்சி
1                                      பச்சை மிளகாய் ( தேவையானால் )
அலங்கரிக்க :
1/2 Tsp                            மிளகு பொடி
கொத்தமல்லி, வெங்காயத் தாள் அலங்கரிக்க தேவையான அளவு.

செய்முறை :
காளானை தண்ணீரில் கழுவி தனியே எடுத்து வைக்கவும்.

ஒரு பாத்திரத்தில் 1 கப் தண்ணீரை சூடு படுத்தவும்.
இலேசான சூடு வந்ததும் காளான் தவிர  கொடுக்கப்பட்டுள்ள மற்ற அனைத்து பொருட்களையும் சேர்க்கவும்.
சின்னதீயில் வேக விடவும்.
உடைத்த மக்காசோளம் நன்கு மலர்ந்து வெந்ததும் காளானை பொடியாக நறுக்கி சேர்க்கவும்.
காளான் ஒரு நிமிடத்திலேயே வெந்து விடும்.
அடுப்பை அணைத்து விடவும்.
இப்போது உப்பு சேர்த்து கலக்கவும்.

சூப் கிண்ணத்தில் ஊற்றி அலங்கரித்து மிளகுதூள் தூவி பரிமாறவும்.
குளிர் கால மாலை வேளையில் அருந்துவதற்கு ஏற்ற பானமாகும்.


முயற்சி செய்து பார்க்க :

மஷ்ரூம் பாலக் சூப்

கொத்தமல்லி சூப்

தக்காளி சூப்

பப்பாளிக்காய் சூப்