Curry-Leaf-Tomato-Chutney

#கருவேப்பிலைதக்காளிசட்னி : #கருவேப்பிலை [ #கறிவேப்பிலை ] நமது தமிழகத்து சமையலில் மிக முக்கிய இடம் வகிக்கிறது. நாம் அருந்தும் டீ மற்றும் காபி தவிர மற்ற அனைத்து உணவிலும் இந்த அற்புத இலை இல்லாமல் செய்யப்படுவது இல்லை. நாம் இதை வாசனைக்காக மட்டுமல்ல, முக்கிய சத்துக்களுக்காகவும் பயன் படுத்துகிறோம். கருவேப்பிலையை கிள்ளி போட்டு சமையலில் பயன் படுத்தும் போது நம்மில் பலர் அதை ஒதுக்கி வைத்துவிட்டு உண்கிறோம். ஆக பல மருத்துவ குணங்கள் அடங்கிய கருவேப்பிலையை சட்னி செய்ய உபயோகப்படுத்தப்படும் போது நன்கு அரை பட்டுவிடுவதால் நாம் முழு பலனை அடையலாம்.
இங்கு கருவேப்பிலையை மிகுதியாக உபயோகப்படுத்தி தக்காளியுடன் சேர்த்து செய்யக்கூடிய ஒரு சட்னி செய்முறையை காணலாம்.

தேவையானவை :
1/4 கப்	கருவேப்பிலை
2	தக்காளி
10 - 12	சின்ன வெங்காயம்
6 - 8	பச்சை மிளகாய்
1 Tsp	எலுமிச்சை சாறு [ அட்ஜஸ்ட் ]
1 1/2 Tsp	உப்பு [ அட்ஜஸ்ட் ]
1/2 Tsp	எண்ணெய்
தாளிக்க :
1/2 Tsp	எண்ணெய்
1/2 Tsp	கடுகு
1/2 Tsp	உளுத்தம் பருப்பு
4 - 6	கருவேப்பிலை

செய்முறை :
கருவேப்பிலையை தண்ணீரில் நன்கு கழுவி தனியே வைக்கவும்.
மைக்ரோவேவில் பயன்படுத்தக்கூடிய பீங்கான் பாத்திரத்தில் வெங்காயம் மற்றும் பச்சை மிளகாயை எடுத்துக்கொள்ளவும்.
கால்  தேக்கரண்டி எண்ணெய் விட்டு கலந்து விடவும்.
மைக்ரோவேவின் உள்ளே வைத்து ஹையில் அரை நிமிடம் சூடு படுத்தவும்.
வெளியே எடுத்து அதே பீங்கான் பாத்திரத்தில் வெட்டி வைத்துள்ள தக்காளி சேர்த்து மேலும் கால் தேக்கரண்டி எண்ணெய் விட்டு கலந்து விடவும்.
மீண்டும் மைக்ரோவேவ் ஹையில் தக்காளி வேகும்வரை சூடாக்கவும்.
வெளியே எடுத்து வைத்து ஆற விடவும்.
ஆறிய பின்னர் வதங்கிய வெங்காயம், பச்சை மிளகாய், தக்காளி, கழுவி வைத்துள்ள கருவேப்பிலை, உப்பு மற்றும் எலுமிச்சை சாறு அனைத்தையும் மிக்சி பாத்திரத்தில் போட்டு நன்கு அரைத்தெடுக்கவும்.
தேவையெனில் உப்பு மற்றும் எலுமிச்சை சாறு சரி பார்த்து பரிமாறும் கிண்ணத்தில் எடுத்து வைக்கவும்.

அடுப்பில் வாணலியில் எண்ணெய் விட்டு சூடானதும் கடுகை வெடிக்க விட்ட பின் உளுத்தம் பருப்பை சேர்த்து சிவக்க வறுக்கவும்.
அடுப்பை அணைத்து விட்டு கருவேப்பிலையை கிள்ளி போட்டு தாளித்து சட்னியின் மேல் கொட்டவும்.

சுவையான கருவேப்பிலை நறுமணம் கூடிய சட்னி தயார்.
ஆப்பம், &  தோசை, 

நீர் தோசை,  &  கஞ்சி தோசை போன்றவற்றுடன் தொட்டுக்கொண்டு சாப்பிட அருமையாக இருக்கும்.
காரம் அதிகமாக இருப்பதால் சட்னியின் மேல் நல்லெண்ணெய் ஊற்றி தொட்டுக்கொண்டு சாப்பிட்டால் மிக மிக அருமையாகவும் ருசியாகவும் இருக்கும்.

• அவரவர் காரத்திற்கு ஏற்ப பச்சை மிளகாயின் அளவை கூட்டி குறைத்துக்கொள்ளவும்.
• மைக்ரோவேவ் இல்லையெனில் வாணலியில் எண்ணெய் விட்டு வெங்காயம், பச்சை மிளகாய் மற்றும் தக்காளியை தனித்தனியே வதக்கி எடுத்துக்கொள்ளவும்.
• எலுமிச்சை சாற்றிற்கு பதிலாக புளியையும் உபயோகிக்கலாம்.
• கருவேப்பிலையின் அளவையும் அவரவர் விரும்பம்போல் எடுத்துக்கொள்ளலாம்.

சில சட்னி வகைகளின் சமையல் குறிப்புகள் :

• கீழே உள்ள படங்களின் மேல் அம்புக்குறியை காட்டினால் சமையல் குறிப்பின் பெயரை அறிந்து கொள்ளலாம்
• படத்தின் மேல் ஒரு முறை சொடுக்கினால் சமையல் குறிப்பின் பக்கத்திற்கு செல்லலாம்

இந்த சமையல் குறிப்பு மிகவும் உபயோகமாக இருப்பின் கீழே உள்ள கருத்துக்களை பதிவிடும் பெட்டியில் தங்களது கருத்தினை பதிவிடவும்.

மேலும் தங்களைப்போல மற்றவர்களும் பயனடைய கீழ உள்ள பெட்டியின் வழியாக முகநூல், ப்ளாகர், ட்விட்டர், பிண்டரஸ்ட், G+ போன்ற சமூக வலை தளங்களிலும் பகிரவும். நன்றி.

Karuveppilai Rice

#கருவேப்பிலைசாதம் : #கலந்தசாதம் வகைகளில் #கருவேப்பிலை சாதம் மிகவும் சத்து மிகுந்தது. பொதுவாக சமையலில் கருவேப்பிலை மணம் மட்டுமல்லாமல் மருத்துவ குணத்திற்காகவும் சேர்க்கப்படுகிறது. கரு கரு என முடி வளர்வதற்கு கருவேப்பிலை உதவி செய்கிறது. இந்த சாதத்தை எப்படி செய்வது என பார்ப்போம்.

தேவையான பொருட்கள் :
பச்சரிசி                                     : 1/2 கப்
உப்பு                                           : 1/2 Tsp ( அட்ஜஸ்ட் )
நல்லெண்ணெய்                   : 2 Tsp

வறுத்து அரைக்க :

கொத்தமல்லி விதை              : 2 Tsp
கடலை பருப்பு                           : 3 Tsp
மிளகு                                             : 1 Tsp
சீரகம்                                              : 1 Tsp
கச கசா                                           : 1 Tsp
பூண்டு பல்                                    : 2 அ  3
கருவேப்பிலை                           : 1 கைப்பிடி

எண்ணெய்                                    : 2 Tsp
சிகப்பு மிளகாய்                           ; 1 ( தேவையானது )
( இங்கு ராய்ப்பூரில் கிடைக்கும் சிகப்பு மிளகாய் நிறம் கம்மி ஆனால் காரம் அதிகம் )

அலங்கரிக்க :
முந்திரி                                        : 2 அ 3
கருவேப்பிலை                        : 6

செய்முறை :
அரிசியை களைந்து குக்கரில் போடவும்.
1/2 கப் அரிசிக்கு 1 கப் தண்ணீர் சேர்க்கவும்.
குக்கரை மூடி வெயிட் வைத்து அதிகமான தீயில் 3 விசில் வரும்வரை வேகவைக்கவும்.
பின் தீயை குறைத்து 3 நிமிடங்கள் வேக விடவும்.
ஆவி அடங்கிய பின் அகன்ற பத்திரத்தில் கொட்டி ஆற விடவும்.
இரண்டு தேக்கரண்டி எண்ணெய் விட்டு கலக்கி காற்றாடியின் கீழ் வைத்து ஆற விடவும்.

அடுப்பில் வாணலியை வைத்து 1 Tsp எண்ணெய் விட்டு மிளகாய், மற்றும் இதர பொருட்களை வறுத்து எடுத்து வைக்கவும்.
கருவேப்பிலையையும் எண்ணெயில் நிறம் மாறாமல் வறுத்தெடுத்துக் கொள்ளவும்.

மிக்ஸியில் கர கரப்பாக பொடித்துக் கொள்ளவும்.

ஆற வைத்துள்ள சாதத்தில் தயாரித்த பொடி 3 Tsp, நல்லெண்ணெய் மற்றும் உப்பு சேர்த்து ஒரு சாரணி கொண்டு கலக்கவும்.
ருசி பார்த்து தேவையானால் இன்னும் சிறிது பொடி சேர்க்கவும்.
முந்திரியையும் கருவேப்பிலையையும் நெய்யில் வறுத்து அலங்கரிக்கவும்.
சுவையான கருவேப்பிலை சாதம் தயார்.

பிடித்தமான கறியுடன் சுவைக்கவும்.

மதிய உணவிற்காக எடுத்து செல்வதாக இருந்தால் நன்கு ஆறிய பின்னர் டிபன் பாத்திரத்தில் எடுத்து வைக்கவும்.

மேலும் சில சாத வகைகள் செய்து சுவைக்க