Browntop_Millet_Sweet_Bread

 குலசாமை இனிப்பு ரொட்டி :

#குலசாமை ஆங்கிலத்தில் பிரவுன் டாப் மில்லெட் [ Browntop Millet or sometimes American Millet ] என அழைக்கப்படுகிறது.

அறிவியல் பெயர் : Brachiaria ramosa or Urochloa ramosa

கன்னட பெயர் : Pedda sama or korle

மிகப்பழங்காலத்திலிருந்தே குலசாமை மக்களின் உணவாக இருந்த போதிலும் இடையில் இத்தானியம் உபயோகத்திலிருந்து மறைந்தே போய்விட்டது. தற்போது இத்தானியம் கர்நாடகத்தில் அதிகமாக விளைவிக்கப்படுகிறது. இதைத்தவிர தமிழ்நாடு, ஆந்திரா மற்றும் மஹாராஷ்ட்ரா மாநிலங்களில் சிற்சில இடங்களில் பயிரிடப்படுகின்றன. குலசாமை மிகவும் குறைந்த அளவிலே விளைவிக்கப்படுவதால் மற்ற சிறுதானியங்களை விட விலை கூடுதலாகவே இருக்கிறது.

குலசாமை பழுப்பு பச்சையுடன் கூடிய மஞ்சள் நிறம் கொண்டது. 

இதன் நார்சத்து மற்ற அனைத்து சிறுதானியங்கள் மற்றும் மற்ற தானியங்களை விட மிக அதிக அளவில் கொண்டுள்ளது. அதிக நார்சத்து உடலின் நச்சுக்களை வெளியேற்ற மிகவும் உதவுகிறது.

அகில இந்திய சிறுதானிய ஆராய்ச்சி கழகத்தின் வலைதளத்தின் படி 100 கி குலசாமையில் அடங்கியுள்ள சத்துக்கள் :

நார்சத்து 12.5 கி, புரதச்சத்து  11.5 கி, தாதுப்பொருட்கள் [ minerals ] 4.21 கி, நியாசின் [ B 3 ] 18.5 mg, இரும்புசத்து 0.65 mg.

எல்லாவகையான சிறுதானியங்களையும் குறைந்தபட்சம் இரண்டு மணிநேரமாவது ஊறவைத்தபின்னர் சமைப்பது நல்லது. அவ்வாறு ஊறவைப்பதால் அத்தானியத்தின் முழுப்பலன்களும் உடலுக்குக்  கிடைக்கிறது.

குலசாமையை ஊறவைக்க வேண்டுமாதலால் 2 மணிநேரம் முன்பே திட்டமிட  வேண்டும்.

குலசாமை இனிப்பு ரொட்டி செய்முறை இரண்டு பகுதிகளைக் கொண்டது.

1. ஊறவைத்து அரைத்தெடுப்பது 

2. ஆவியில் வேகவைத்து எடுப்பது

ஊறவைக்கும் நேரம்                        2 மணி நேரம் 

தயாரிக்க ஆகும் நேரம்                  15 நிமிடங்கள் 

ஆவியில் வேக ஆகும் நேரம்   15 - 18 நிமிடங்கள் 

தேவையானவை :
1/2 கப் + 1 Tbsp	குலசாமை - Browntop millet [ American Millet ]
1/3 கப்	தேங்காய் துருவல்
1/4 கப்	வெல்லம் [ adjust ]
1/4 Tsp	உப்பு
5 - 6	உலர்ந்த பேரீச்சை [ Raisins ]
5 - 6	பாதாம் பருப்பு [ optional ]
2 Tsp	சார பருப்பு [ Chironji ]
8 - 10	உலர்ந்த திராட்சை [ kismis ]
2 - 3	ஏலக்காய்
a small piece	ஜாதிக்காய்
1/4 Tsp	இலவங்கப்பட்டை பொடி [ optional ]
1 Tsp	சோம்பு [ Sounf ]
1 Sachet [ 5 g ]	Eno Fruit salt

1/2 Tsp நெய் வேகவைக்க பயன்படுத்தப்படும் பாத்திரத்தின் உள்ளே தடவுவதற்காக

செய்முறை :

ஊறவைத்து அரைத்தெடுப்பது :

ஒரு பாத்திரத்தில் 1/2 கப் குலசாமை [ browntop millet ] எடுக்கவும். தண்ணீரில் ஒருமுறை கழுவியபின் 1/2 கப் தண்ணீரில் இரண்டு மணி நேரம் ஊறவைக்கவும்.

ஒரு சிறிய கிண்ணத்தில் 1 Tbsp குலசாமை [ browntop millet ] எடுத்து ஒருமுறை கழுவிய பின் 2 Tbsp நீர் விட்டு 1 1/2 மணி நேரம் ஊறவைக்கவும். 1 1/2 மணி நேரம் ஊறிய பிறகு குக்கரில் வைத்து ஒரு விசில் வரும்வரை அதிக தீயில் வைத்திருக்கவும். பின்னர் தீயைக் குறைத்து 8 நிமிடங்கள் வேகவிடவும்.

குக்கரின் ஆவி அடங்கியபின் வெந்த குலசாமையை வெளியே எடுத்து வைத்து ஆற விடவும்.

ஒரு கிண்ணத்தில் வெல்லத்தை நசுக்கிப்போட்டு 2 - 3 தேக்கரண்டி தண்ணீர் விட்டு மிதமான தீயில் சூடாக்கவும். கரண்டி கொண்டு வெல்லத்தை கரைத்து விடவும். வெல்லம் கரைந்தவுடன் அடுப்பை  அணைத்துவிட்டு வடிகட்டி வைக்கவும். சூடு ஆறும் வரை பொறுத்திருக்கவும்.

மிக்சியின் பாத்திரத்தில் ஊறவைத்துள்ள குலசாமை, 2 Tbsp வேகவைத்த குலசாமை, 2 சிட்டிகை உப்பு சேர்த்து வெல்லம் கரைத்த தண்ணீர் விட்டு அரைத்தெடுக்கவும். சிறிது கொர கொரவென இருந்தால் போதும். அரைத்த மாவை ஒரு பெரிய பாத்திரத்திற்கு மாற்றவும். 1 - 2 தேக்கரண்டி தண்ணீர் விட்டு மிக்சி பாத்திரத்தில் ஒட்டியிருக்கும் மாவை கழுவி மாவில் ஊற்றவும். இட்லி மாவு பதம் போல இருந்தால் நல்லது. அதை விட சிறிது நீர்க்க இருந்தாலும் பரவாயில்லை.

மாவு தயாரிக்கும் முறை :

உலர்ந்த பேரீச்சம் பழத்தை சிறு சிறு துண்டுகளாக வெட்டி வைக்கவும்.

பாதாம் பருப்பை சிறு சிறு துண்டுகளாக்கவும்.

ஒரு அடிப்பகுதி தட்டையான பாத்திரத்தினுள்ளே நெய் தடவி தனியே வைக்கவும்.

இஞ்சி தட்டிப்போடும் சிறிய உரலில் ஒரு தேக்கரண்டி சர்க்கரையைப்போடவும். அதனுடன் ஏலக்காய் மற்றும் ஜாதிக்காய் சேர்த்து அதனுடைய உலக்கையால் இடித்து தூளாக்கவும். அதனை மாவுடன் சேர்க்கவும்.

மாவுடன் தேங்காய் துருவல், உலர்ந்த திராட்சை, உலர்ந்த பேரீச்சம் துண்டுகள், சோம்பு, இலவங்கப்பட்டைத்தூள் ஆகியவற்றை சேர்த்து நன்கு கலக்கவும்.

மாவு இட்லி மாவு பதத்தில் இருத்தல் நலம்.

மாவை நன்கு கலந்துவிட்ட பின்னர் கடைசியாக Eno Salt ஐ சேர்த்து கலக்கவும். இந்த உப்பை போட்டவுடன் மாவு நன்கு நுரைத்துக்கொண்டு மேலெழும்பி வரும்.

இந்த மாவை நெய் தடவிய பாத்திரத்திற்கு மாற்றவும்.

ஆவியில் வேகவைக்கும் முறை :

இட்லி பாத்திரத்தில் 3 - 4 கப் தண்ணீர் விட்டு அதிக தீயில் சூடாக்கவும்.

அதனுள் ஆவியில் வேகவைக்கும் தட்டை பொருத்தவும்.

மாவின் மீது சார பருப்பு, பாதாம் பருப்பு துண்டுகள் ஆகியவற்றை தூவி விடவும்.

இட்லி பாத்திரத்தில் தண்ணீர் கொதிக்க ஆரம்பித்ததும் மாவு நிரப்பிய பாத்திரத்தை இட்லி பாத்திரத்தினுள் வைத்து மூடி அதிக தீயில் 12 - 15 நிமிடங்கள் வேக விடவும்.

15 நிமிடங்களுக்குப்பிறகு இட்லி பாத்திரத்தை திறந்து வெந்த ரொட்டியினுள் சுத்தமான ஈரமில்லாத கத்தி அல்லது பல் குத்தும் குச்சியினை செருகிப் பின்னர் வெளியே எடுத்துப் பார்க்கவும்.

கத்தியில் அல்லது பல் குத்தும் குச்சியில் மாவு ஒட்டாமல் வந்தால் அடுப்பை அணைத்துவிட்டு ஆவியில் வெந்த குலசாமை ரொட்டியை வெளியே எடுத்து வைக்கவும்.

மாறாக அவற்றில் மாவு ஒட்டிக்கொண்டிருந்தால் இன்னும் 2 - 3 நிமிடங்கள் மேலும் ஆவியில் வேக விடவும்.

ஆவியில் வெந்த ரொட்டியுடன் கூடிய பாத்திரத்தை அடுப்பு மேடை மீது அல்லது சாப்பிடும் மேசை மீது எடுத்து வைத்து ஆற விடவும்.

பத்து நிமிடங்கள் ஆறிய பின்னர் கத்தியால் துண்டுகளாக்கி ருசிக்கவும்.

சுவையான குலசாமை ரொட்டி - Browntop millet sweet bread தயார்.

சிறிது சூடாக இருக்கும் போதும் சுவைக்கலாம்.

நன்கு ஆறிய பின்னரும் சாப்பிடலாம்.

தேங்காய் சேர்த்திருப்பதால் ஒரு நாளுக்குள் சுவைத்திட வேண்டும்.

குறிப்பு : வேகவைத்த குலசாமை [ Browntop millet ] 2 Tbsp மட்டுமே சேர்த்து மாவு அரைக்கவேண்டும். அதற்கு அதிகமாக சேர்த்தால் ரொட்டி மிகவும் பிசுபிசு என ஆகிவிடும்.

மேலும் சில சிற்றுண்டிகள் செய்து பார்த்து ருசிக்க :

மசால் தோசை	குலசாமை ரொட்டி	ஆப்பம்
குலசாமை முடக்கத்தான் தோசை	குதிரைவாலி நீர் தோசை	குலசாமை [ browntop millet ] பொங்கல்

மற்றும் பல சிற்றுண்டி வகைகளுக்கு 

டிபன் வகைகள்

சிறுதானிய சமையல் முறைகள்

தொட்டுக்கொண்டு சுவைக்க

Browntop_Millet_Pongal

குலசாமை பொங்கல் : 

#குலசாமை ஆங்கிலத்தில் பிரவுன் டாப் மில்லெட் [ Browntop Millet or sometimes American Millet ] என அழைக்கப்படுகிறது.

அறிவியல் பெயர் : Brachiaria ramosa or Urochloa ramosa

கன்னட பெயர் : Pedda sama or korle

மிகப்பழங்காலத்திலிருந்தே குலசாமை மக்களின் உணவாக இருந்த போதிலும் இடையில் இத்தானியம் உபயோகத்திலிருந்து மறைந்தே போய்விட்டது. தற்போது இத்தானியம் கர்நாடகத்தில் அதிகமாக விளைவிக்கப்படுகிறது. இதைத்தவிர தமிழ்நாடு, ஆந்திரா மற்றும் மஹாராஷ்ட்ரா மாநிலங்களில் சிற்சில இடங்களில் பயிரிடப்படுகின்றன. குலசாமை மிகவும் குறைந்த அளவிலே விளைவிக்கப்படுவதால் மற்ற சிறுதானியங்களை விட விலை கூடுதலாகவே இருக்கிறது.

குலசாமை பழுப்பு பச்சையுடன் கூடிய மஞ்சள் நிறம் கொண்டது. 

இதன் நார்சத்து மற்ற அனைத்து சிறுதானியங்கள் மற்றும் மற்ற தானியங்களை விட மிக அதிக அளவில் கொண்டுள்ளது. அதிக நார்சத்து உடலின் நச்சுக்களை வெளியேற்ற மிகவும் உதவுகிறது.

அகில இந்திய சிறுதானிய ஆராய்ச்சி கழகத்தின் வலைதளத்தின் படி 100 கி குலசாமையில் அடங்கியுள்ள சத்துக்கள் :

நார்சத்து 12.5 கி, புரதச்சத்து  11.5 கி, தாதுப்பொருட்கள் [ minerals ] 4.21 கி, நியாசின் [ B 3 ] 18.5 mg, இரும்புசத்து 0.65 mg.

எல்லாவகையான சிறுதானியங்களையும் குறைந்தபட்சம் இரண்டு மணிநேரமாவது ஊறவைத்தபின்னர் சமைப்பது நல்லது. அவ்வாறு ஊறவைப்பதால் அத்தானியத்தின் முழுப்பலன்களும் உடலுக்குக்  கிடைக்கிறது.

குலசாமையை ஊறவைக்க வேண்டுமாதலால் 2 மணிநேரம் முன்பே திட்டமிட  வேண்டும்.

தேவையான பொருட்களை சேகரிக்க 10 நிமிடங்கள் 

தயாரிக்க ஆகும் நேரம்               15 நிமிடங்கள்

தயாரிக்கப்படும் அளவு               2 முதல் 2 1/2 கப்.

தேவையானவை :
3/4 கப்	குலசாமை [Browntop millet]
1/4 கப்	பச்சைப்பருப்பு
1/4 Tsp	வெந்தயம் [ optional ]
1 Tsp	மிளகு
1 1/2 Tsp	சீரகம்
1 Tsp	இஞ்சி பொடியாக நறுக்கியது
1 Tsp	மஞ்சள் கிழங்கு பொடியாக நறுக்கியது*
10 - 15	கருவேப்பிலை
4 - 5 பற்கள்	பூண்டு, பொடியாக நறுக்கவும்
1	பச்சை மிளகாய் [ optional ]
3/4 Tsp	உப்பு [ adjust ]
தாளிக்க :
5 - 6	முந்திரி பருப்பு, துண்டுகளாக்கவும்
1 Tsp	சீரகம்
8 - 10	மிளகு
10 - 12	கருவேப்பிலை
3 -4 Tsp	நெய்

* மஞ்சள் கிழங்கு இல்லையென்றால் 1/4 Tsp மஞ்சத்தூள் உபயோகிக்கவும்..

செய்முறை :

குலசாமை யை ஒரு பாத்திரத்தில் எடுத்து ஒரு முறை கழுவிய பின்னர் 3 கப் தண்ணீரில் 2 மணி நேரம் ஊறவைக்கவும்.

மிளகை ஒன்றிரண்டாக உடைத்து வைத்துக்கொள்ளவும்.

இரண்டு மணிநேரம் கழிந்த பின்னர் ஊறவைத்த குலசாமையை தண்ணீருடன் சேர்த்து 3 லிட்டர் குக்கருக்கு மாற்றவும்.

அதில் கழுவிய பச்சைப்பருப்பு, வெந்தயம், சீரகம், மிளகு உடைத்தது, பொடியாக நறுக்கிய இஞ்சி, மஞ்சள், பூண்டு மற்றும் உப்பு சேர்க்கவும்.

ஒரு கரண்டியால் நன்கு கலந்து விடவும்.

குக்கரை மூடி விசில் பொருத்தி அதிக தீயில் சூடாக்கவும்.

ஒரு விசில் வந்த பிறகு தீயைக் குறைத்து மேலும் 8 நிமிடங்கள் வேகவிடவும்.

ஆவி அடங்கும் வரை பொறுத்திருக்கவும்.

அதனிடையே அடுப்பில் மிதமான தீயில் ஒரு வாணலியை சூடாக்கவும்.

முதலில் சிறிது நெய் விட்டு முந்திரி துண்டுகளை பொன்னிறமாக வறுத்து எடுக்கவும்.

அடுத்து அதே வாணலியில் நெய் விட்டு சீரகத்தை வெடிக்க விட்டு பின்னர் மிளகு சேர்த்து பொரியும் வரை வறுக்கவும்.

மிளகு நன்கு வறுபட்டவுடன் அடுப்பை அணைத்துவிட்டு கருவேப்பிலையை கிள்ளிப்போடவும்.

இதற்குள் குக்கரில் ஆவி அடங்கியிருக்கும்.

குக்கரின் மூடியை திறந்து பொங்கலின் மீது தாளித்த மிளகு, சீரகம் கருவேப்பிலை மற்றும் முந்திரியைப்போடவும்.

கரண்டியால் கிளறி விடவும்.

அருமையான குலசாமை பொங்கல் தயார்.

சூடாக தட்டில் பரிமாறி தாராளமாக நெய் ஊற்றி, 

தேங்காய் சட்னி  அல்லது  பொங்கல் துவையல் 

அல்லது வடவத்துவையல் ஆகியவற்றில் ஏதாவது ஒன்றுடன் சுவைக்கவும்.

வெங்காய சாம்பார் தொட்டுக்கொண்டு சாப்பிட்டாலும் அருமையாக இருக்கும். 

மேலும் சில சிற்றுண்டிகள் செய்து பார்த்து ருசிக்க :

மசால் தோசை	குலசாமை ரொட்டி	ஆப்பம்
குலசாமை முடக்கத்தான் தோசை	குதிரைவாலி நீர் தோசை	தினை சக்கரை பொங்கல்

மற்றும் பல சிற்றுண்டி வகைகளுக்கு 

டிபன் வகைகள்

சிறுதானிய சமையல் முறைகள்

தொட்டுக்கொண்டு சுவைக்க

Browntop_millet_Mudakattan_Dosai

 குலசாமை முடக்கத்தான் தோசை :

#குலசாமை ஆங்கிலத்தில் பிரவுன் டாப் மில்லெட் [ Browntop Millet or sometimes American Millet ] என அழைக்கப்படுகிறது.

அறிவியல் பெயர் : Brachiaria ramosa or Urochloa ramosa

கன்னட பெயர் : Pedda sama or korle

மிகப்பழங்காலத்திலிருந்தே குலசாமை மக்களின் உணவாக இருந்த போதிலும் இடையில் இத்தானியம் உபயோகத்திலிருந்து மறைந்தே போய்விட்டது. தற்போது இத்தானியம் கர்நாடகத்தில் அதிகமாக விளைவிக்கப்படுகிறது. இதைத்தவிர தமிழ்நாடு, ஆந்திரா மற்றும் மஹாராஷ்ட்ரா மாநிலங்களில் சிற்சில இடங்களில் பயிரிடப்படுகின்றன. குலசாமை மிகவும் குறைந்த அளவிலே விளைவிக்கப்படுவதால் மற்ற சிறுதானியங்களை விட விலை கூடுதலாகவே இருக்கிறது.

குலசாமை பழுப்பு பச்சையுடன் கூடிய மஞ்சள் நிறம் கொண்டது. 

இதன் நார்சத்து மற்ற அனைத்து சிறுதானியங்கள் மற்றும் மற்ற தானியங்களை விட மிக அதிக அளவில் கொண்டுள்ளது. அதிக நார்சத்து உடலின் நச்சுக்களை வெளியேற்ற மிகவும் உதவுகிறது.

அகில இந்திய சிறுதானிய ஆராய்ச்சி கழகத்தின் வலைதளத்தின் படி 100 கி குலசாமையில் அடங்கியுள்ள சத்துக்கள் :

நார்சத்து 12.5 கி, புரதச்சத்து  11.5 கி, தாதுப்பொருட்கள் [ minerals ] 4.21 கி, நியாசின் [ B 3 ] 18.5 mg, இரும்புசத்து 0.65 mg.

எல்லாவகையான சிறுதானியங்களையும் குறைந்தபட்சம் இரண்டு மணிநேரமாவது ஊறவைத்தபின்னர் சமைப்பது நல்லது. அவ்வாறு ஊறவைப்பதால் அத்தானியத்தின் முழுப்பலன்களும் உடலுக்குக்  கிடைக்கிறது.

சாதாரணமாக முடக்கத்தான் கீரை தெருவோரங்களில் மற்றும் வேலியோரங்களில் படரும் ஒரு கொடி வகையாகும். இதன் காய்கள் பலூன் மாதிரி இருப்பதால், ஆங்கிலத்தில் இந்தக் கொடி Balloon Vine என்று அழைக்கப்படுகிறது. மேலும் இது Love in a Puff or Heartseed or Heartseed vine என்ற பெயர்களாலும் அறியப்படுகிறது.

இதன் அறிவியல் பெயர் Cardiospermum halicacabum and Cardiospermum corindum என்பதாகும்.

இங்கு குலசாமை [ Browntop millet ] மற்றும் முடக்கத்தான் கீரை இரண்டையும் சேர்த்து மிகவும் இலகுவாக செய்யக்கூடிய தோசை செய்முறையை பகிர்ந்துள்ளேன்.

ஊறவைக்க  வேண்டிய கால அளவு  : 2 மணி நேரம் 

மாவு அரைக்க                                              :  10 நிமிடங்கள் 

தயாரிக்கப்படும் தோசை                          : 12 - 15 தோராயமாக         

தேவையானவை :
1 கப்	குலசாமை [ Browntop millet ]
1 Tbsp	உளுத்தம்பருப்பு
1/3 கப்	முடக்கத்தான் கீரை
1 Tsp	உப்பு [ Adjust ]

செய்முறை :

குலசாமை [ browntop millet ] மற்றும் உளுத்தம் பருப்பு இரண்டையும் ஒரு பாத்திரத்தில் போட்டு ஒரு முறை கழுவிய பிறகு 1 கப் தண்ணீர் ஊற்றி இரண்டு மணிநேரம் ஊறவைக்கவும்.

முடக்கத்தான் கீரையை ஆய்ந்து தண்ணீரில் நன்கு கழுவவும்.

கத்தி கொண்டு சிறுசிறு துண்டுகளாக நறுக்கி வைக்கவும்.

இரண்டு மணிநேரம் கழித்து மிக்சியில் ஊறிய பொருட்கள் மற்றும் நறுக்கி வைத்துள்ள முடக்கத்தான் கீரை ஆகியவற்றை தேவையான அளவு தண்ணீர் விட்டு மைய அரைத்தெடுக்கவும்.

அரைத்த மாவை ஒரு பாத்திரத்தில் எடுத்து வைக்கவும்.

உப்பு சேர்த்து கலக்கவும்.

மாவு நீர் தோசையின் மாவு போல நன்கு நீர்க்க இருக்கலாம்.

தோசை தயாரிக்க மாவு தயாராகிவிட்டது.

உடனேயும் தோசை சுடலாம். 

இன்னும் சுவையான தோசை வேண்டுமெனில் 2 - 4 மணிநேரம் வைத்திருந்து, மாவு சிறிது புளித்ததும் தோசை சுட்டு எடுக்கலாம்.

 

தோசைக்கல்லை அடுப்பில் மிதமான தீயில் சூடாக்கவும்.

எண்ணெய் விட்டு கல் சூடாவதற்காக காத்திருக்கவும்.

தோசைக்கல் சூடானதும்.மாவை வட்டமாக ஊற்றி 

தண்ணீர் போல கரைத்த மாவு தோசை ஊற்றும் முறை

எண்ணெயை ஊற்றிய தோசை மீது தெளித்து வேகவிடவும். 

தோசையை திருப்பி போட்டு வேகவைக்கத்தேவையில்லை.

சிறிது நேரத்தில் தோசையின் ஓரங்கள் சிவந்து மேலெழும்பி சுருட்டிக்கொள்ள ஆரம்பிக்கும்.

தோசை திருப்பியை உபயோகித்து தோசையை கல்லிலிருந்து எடுத்து தட்டில் வைக்கவும்.

மறுபடியும் தோசைக்கல்லின் மீது எண்ணெய் விட்டு அடுத்த தோசையை ஊற்றவும்.

இவ்வாறு ஒவ்வொரு தோசையாக சுட்டெடுக்கவும்.

தங்களுக்கு பிடித்தமான கார சட்னி யுடன் சுவைக்கவும்.

மேலும் சில சிற்றுண்டிகள் செய்து பார்த்து ருசிக்க :

மசால் தோசை	குலசாமை ரொட்டி	ஆப்பம்
ஆப்பம் கேரளா முறையில்	குதிரைவாலி நீர் தோசை	தினை சக்கரை பொங்கல்

மற்றும் பல சிற்றுண்டி வகைகளுக்கு 

டிபன் வகைகள்

சிறுதானிய சமையல் முறைகள்

தொட்டுக்கொண்டு சுவைக்க