Araithuvitta Kuzhambu Powder

#அரைத்துவிட்டகுழம்புத்தூள் : பொதுவாக சாம்பாரோ குழம்போ செய்யும் போது நாம் தயாரித்து வைத்துள்ள சாம்பார் மிளகாய்த் தூளை கூட்டி குறைத்து சேர்த்து செய்வது வழக்கம். ஆனால் அவ்வப்போது வறுத்து அரைத்து செய்யும் போது சுவையும் மணமும் அருமையாக இருக்கும்.
நான் ஒரு மாதத்திற்கு தேவையானதை அரைத்து பாட்டிலில் அடைத்து வைத்துக் கொள்வது வழக்கம். தேவையான போது இந்த பொடியுடன்  தேங்காய் சேர்த்து அரைத்து  குழம்பு செய்யலாம். இட்லி சாம்பார் செய்யும் போதும் இந்த பொடியை கடைசியாக தூவி ஒரு கொதி வந்ததும் இறக்கினால் சுவை தூக்கலாக இருக்கும்.

தேவையான பொருட்கள் :
7                                                 சிவப்பு மிளகாய்
1/2 கப்                                       மல்லி விதை
1/2 கப்                                      கடலை பருப்பு
1/4 கப்                                      உளுத்தம் பருப்பு
1 Tsp                                         மிளகு
2 Tsp                                         சீரகம்
1 Tsp                                         கருவேப்பிலை பொடி

செய்முறை :
வாணலியை அடுப்பில் மிதமான தீயில் வைத்து முதலில் மிளகாயை நன்கு வறுத்துக்கொள்ளவும்.
எடுத்து தட்டில் வைக்கவும்.
பிறகு மல்லியை கை விடாமல் கிளறி விட்டு நன்கு வாசனை வரும் வரை வறுக்கவும். தட்டில் எடுத்து வைக்கவும்.
கடலை பருப்பை நன்றாக சிவக்கும் வரை வறுத்தெடுக்கவும்.
உளுத்தம் பருப்பையும் சிவக்க வறுத்து எடுத்து வைக்கவும்.
கடைசியாக சீரகம் மற்றும் மிளகை சூடேறும் வரை வறுத்தெடுக்கவும்.
நன்றாக ஆறிய பின் மிக்ஸியில் பொடியாக்கிக் கொள்ளவும்.

அதனுடன் கருவேப்பிலை பொடியை கலந்து ஒரு பாட்டிலில் காற்று புகா வண்ணம் அடைத்து வைக்கவும்.
தேவையான போது ஒரு சுத்தமான காய்ந்த தேக்கரண்டியால் எடுத்து உபயோகப்படுத்தவும்.








மேலும் சில அத்தியாவசியமான பொடி வகைகள் 

கொத்தமல்லி முருங்கைக்கீரை பொடி	மிளகுப் பொடி	மதராஸ் ரசப் பொடி
ஆளி விதை சேர்த்த இட்லி மிளகாய்ப் பொடி	இட்லி மிளகாய்ப்  பொடி

            

Sambar Powder

#சாம்பார்மிளகாய்தூள் : #சாம்பார்பொடி நமது தமிழ் சமையலின் முக்கிய அங்கமாகும். கடைகளில் விதவிதமான சாம்பார் பொடிகள் கிடைக்கின்றன. இருந்தாலும் நாமே எல்லா சாமான்களையும் அளவோடு சேர்த்து அரைத்தால் சாம்பாரின் சுவையும் மனமும் மிகவும் அருமையாக இருக்கும். முதலில் என்னுடைய அம்மாதான் சாம்பார் மிளகாய் தூளை தேவை படும் போது அரைத்து தந்து கொண்டிருந்தார்கள். பிறகு நானே அரைக்க அம்மாவிடம் அளவு கேட்டு அரைக்க ஆரம்பித்து விட்டேன். இப்போது அடுத்த சக்கரம் ஆரம்பித்து விட்டது. என் மகளுக்கு நான் அரைத்து வெளி நாட்டிற்கு அனுப்பி கொண்டிருக்கிறேன். 

இங்கு கொடுக்கப்பட்டுள்ள அளவு அப்படியே என் அம்மா எனக்கு சொன்னது.

தேவையான பொருட்கள் :
சிகப்பு மிளகாய்                                     :  200 gram
கொத்தமல்லி விதை ( தனியா )     : 4 Cups குவித்து
சீரகம்                                                         : 25 கிராம்
மிளகு                                                         : 25 கிராம்
வெந்தயம்                                                : 25 கிராம்
துவரம் பருப்பு                                        : 1 கப்
கடலை பருப்பு                                       : 1/2 கப்
பச்சரிசி                                                      : 1/4 கப்
விரளி மஞ்சள்                                        : 2 துண்டு ( கிடைத்தால் )

செய்முறை :
எல்லாவற்றையும் நன்கு வெய்யிலில் காய வைக்கவும்.
காய வைக்க வெய்யில் படும் இடம் இல்லாவிடில் வெறும்  வாணலியில் எண்ணெய் விடாமல் ஈரப்பதம் போகும் வரை வறுத்து எடுக்கவும்.
வறுத்த பிறகு ஆற விட்டு மாவு அரைக்கும் இயந்திரத்தில் கொடுத்து நைசாக அரைத்து கொள்ளவும்.

கருவேப்பிலை பொடி  2 Tsp சேர்த்து நன்கு கலக்கவும்.
நன்றாக ஆறிய பின் காற்றுபுகா பாட்டிலில் சேமித்து வைக்கவும்.

இந்த அளவு 3 அல்லது 4 பேர் கொண்ட குடும்பத்திற்கு 4 முதல் 6 மாதங்களுக்கு போதுமானது.

சாம்பார் பொடி சாம்பார் செய்வதற்கு மட்டுமல்லாமல் கூட்டு, துவட்டல், கார கறி செய்வதற்கும் பயன் படுத்தலாம்.






மேலும் சில அத்தியாவசியமான பொடி வகைகள் 

கொத்தமல்லி முருங்கைக்கீரை பொடி	மிளகுப் பொடி	மதராஸ் ரசப் பொடி
ஆளி விதை சேர்த்த இட்லி மிளகாய்ப் பொடி	இட்லி மிளகாய்ப்  பொடி