Papaya-Radish-Lentil-Salad

#பப்பாளிக்காய்முள்ளங்கிபருப்புசாலட் : சென்ற பதிவில் பப்பாளிக்காய் காரட் சாலட் செய்வது எப்படி என பார்த்தோம்.
பப்பாளிக்காயில் பல மருத்துவ குணங்கள் நிறைந்து இருப்பதால் அடிக்கடி நமது உணவில் சேர்த்துக்கொள்வது நல்லது.
இங்கு முள்ளங்கியுடன் ஒரு வித்தியாசமான சாலட் செய்யும் முறையை காண்போம்.

தேவையான பொருட்கள் :
1 cup	பப்பாளிக்காய் துருவியது
1/4 cup	முள்ளங்கி துருவியது
1/8 cup	பயத்தம் பருப்பு
1 or 2	பச்சை மிளகாய் பொடியாக நறுக்கியது [ adjust ]
1 Tsp	கொத்தமல்லி தழை பொடியாக நறுக்கியது
1 Tsp	எலுமிச்சை சாறு [ adjust ]
3/4 Tsp	உப்பு [ Adjust ]

செய்முறை :

ஒரு பாத்திரத்தில் பயத்தம் பருப்பை எடுத்துக்கொள்ளவும்.

ஓரிரு முறை கழுவி தண்ணீரை வடித்து விடவும்.

அதனுடன் துருவிய பப்பாளிக்காய், முள்ளங்கி மற்றும் தேவையான உப்பு சேர்த்து கலக்கி சுமார் 20 நிமிடங்கள் தனியே எடுத்து வைக்கவும்.

முள்ளங்கியிலிருந்து வெளி வரும் தண்ணீரில் பருப்பு நன்கு ஊறி விடும்.

20 நிமிடங்களுக்கு பின்னர் பச்சை மிளகாய், கொத்தமல்லி தழை மற்றும் எலுமிச்சை சாறு சேர்த்து கலக்கவும்.

உப்பு சரி பார்க்கவும்.

பரிமாறும் கிண்ணத்தில் எடுத்து வைக்கவும்.

முள்ளங்கி இலை அல்லது கொத்தமல்லி கொண்டு அலங்கரிக்கவும்.

மதிய உணவின் போது அல்லது மாலை நேர சிற்றுண்டியாக சுவைக்கலாம்.

மேலும் சில பச்சடி வகைகள் செய்து சுவைக்க

வாழைப்பூ தயிர்  பச்சடி	பப்பாளி கேரட் சாலட்	நெல்லிக்காய் தயிர் பச்சடி
மாங்காய் பச்சடி	வாழைத்தண்டு தயிர் பச்சடி

சிறுதானியங்கள் சமையல் செய்முறைகள்

விதவிதமான சமையல் குறிப்புகள்

தொட்டுக்க சட்னி வகைகள்

Papaya-Carrot-Salad

#பப்பாளிகாரட்சாலட் : ஓரிரு வருடங்களுக்கு முன்பு தமிழகத்தில் பன்றிக்காய்ச்சல், டெங்கு, போன்றவை அதிகமாக பரவிக்கொண்டிருந்த போது பப்பாளி மரத்தின் இலையை உபயோகித்து பானம் செய்து அருந்துவதால் நோய் வராமலும் நோய் வந்தவர்கள் அதன் தாக்கத்தை குறைக்கலாம் என தொலை காட்சியில் தினமும் செய்தி ஒளி பரப்பிக் கொண்டிருந்தார்கள். எனது தம்பியின் மகனும் இந்த காய்ச்சல் வந்த போது பப்பாளி இலை சாறை  தினமும் அருந்தி குணமடைந்தது நன்கு நினைவில் நிற்கிறது.
பப்பாளியில் நிறைந்திருக்கும் பப்பெயின் என்ற என்ஸைம் நோய் எதிர்க்கும் தன்மையும் உணவு செரிமானத்திற்கும் உதவி புரிகிறது. இந்த என்ஸைம் பழமாக மாறும் போது அதன் அளவு குறைந்து விடுகிறது. அதனால் பப்பாளி காயை சாப்பிடுவதால்  முழுமையான மருத்துவ பலன்கள் கிடைக்கிறது. மலச்சிக்கலை தவிர்க்க பப்பாளியை தினமும் உணவில் சேர்த்துக் கொள்வது நல்லது.
சில தினங்களுக்கு முன்பு பப்பாளி காய் சூப் செய்யும் முறையை பார்த்தோம்.
இங்கு #பப்பாளிக்காய் மற்றும் காரட் ஆகியவற்றை உபயோகித்து ஒரு எளிமையான சாலட் செய்யும் முறையை காணலாம்.

தேவையான பொருட்கள் :
1 cup	பப்பாளிக்காய் துருவியது
1/4 cup	காரட் துருவியது
1 or 2	பச்சை மிளகாய், பொடியாக நறுக்கிக்கொள்ளவும்  [ adjust ]
1 Tsp	கொத்தமல்லி தழை பொடியாக அரிந்தது
1 Tsp	எலுமிச்சை சாறு [ adjust ]
3/4 Tsp	உப்பு [ Adjust ]
To Temper :
1/2 Tsp	கடுகு
1 Tsp	நல்லெண்ணெய் [ til/sesame oil ]

செய்முறை :

கொடுக்கப்பட்டுள்ள அனைத்து பொருட்களையும் ஒரு கிண்ணத்தில் போட்டு நன்கு கலக்கவும்.

எலுமிச்சை சாறு மற்றும் உப்பு சரி பார்க்கவும்.

அடுப்பில் வாணலியை வைத்து எண்ணெய் விட்டு சூடாக்கவும்.

சூடானதும் கடுகை வெடிக்க விடவும்.

கடுகு அனைத்தும் வெடித்ததும் அடுப்பை அணைத்து விடவும்.

தாளித்த கடுகை கலந்து வைத்துள்ள சாலட் மேலே கொட்டவும்.

நன்கு கலந்து விட்ட பின்னர் சுவைக்கவும்.

காலை அல்லது மாலை வேளை உணவாக சுவைக்கலாம்.

மதிய உணவின் போது சாம்பார் மற்றும் ரசம் சாதத்துடன் சாப்பிடவும் அருமையாக இருக்கும்.









மேலும் சில பச்சடி வகைகள் செய்து சுவைக்க

வாழைப்பூ தயிர்  பச்சடி	நெல்லிக்காய் தயிர் பச்சடி	பப்பாளி முள்ளங்கி சாலட்
மாங்காய் பச்சடி	வாழைத்தண்டு தயிர் பச்சடி

சிறுதானியங்கள் சமையல் செய்முறைகள்

விதவிதமான சமையல் குறிப்புகள்

தொட்டுக்க சட்னி வகைகள்

Papaya-Soup

#பப்பாளிக்காய்சூப் : பப்பாளி காயாக இருக்கும் போது அதில் நோயை எதிர்க்கவல்ல என்சைம்கள் அதிக அளவில் நிறைந்து இருக்கிறது. பழமாக மாறும் போது இந்த என்சைம்களின் வீரியமும் அளவும் குறைந்து விடுகிறது. இந்த #பப்பாளிக்காய் உணவு செரிமானத்திற்கும் மலச்சிக்கல் வராமல் தவிர்ப்பதற்கும் மிக மிக உதவியாக இருக்கிறது.
காயை எப்படி சாப்பிடுவது என்று நீங்கள் யோசிப்பது எனக்கு புரிகிறது!!
சுரைக்காய், சௌ சௌ, பூசணிக்காய் போல இதனையும் சாம்பார், கூட்டு, மற்றும் மோர் குழம்பு ஆகியவை செய்யலாம். பச்சையாக சாலட் செய்தும் சாப்பிடலாம்.
இங்கு பப்பாளி காய் உபயோகித்து சூப் எவ்வாறு செய்யலாம் என காண்போம்.

தேவையான பொருட்கள் :
1/2 கப்	பப்பாளிக்காய் பொடியாக அரிந்தது
1 Tbsp	வெங்காயம் பொடியாக அரிந்தது
1 tsp	பூண்டு பொடியாக அரிந்தது
1/2 tsp	கொத்தமல்லி தழை பொடியாக அரிந்தது
1 1/2 Tbsp	பாப்பரை மாவு*
1/2 tsp	உப்பு [ அட்ஜஸ்ட் ]
1 tsp	மிளகுப்பொடி
1/2 tsp	காய்ந்த புதினா இலைகள் [ இருந்தால் ]

*பாப்பரை மாவு இல்லையென்றால் ஓட்ஸ் அல்லது சோளமாவு உபயோகிக்கலாம்.

செய்முறை :

• ஒரு கிண்ணத்தில் 1 1/4 கப் தண்ணீர் எடுத்துக்கொள்ளவும்.
• மிதமான தீயில் சூடாக்கவும்.
• கொதிக்க ஆரம்பித்ததும் வெங்காயம், பூண்டு மற்றும் பப்பாளிகாயை சேர்க்கவும்.
• தீயை குறைத்து பப்பாளிக்காய் வேகும் வரை அடுப்பில் சூடாக்கவும்.
• பப்பாளிக்காய் வெந்தவுடன் பாப்பரை மாவை ஒரு சிறு கிண்ணத்தில் 1/4 கப் தண்ணீரில் கரைத்து சேர்க்கவும்.
• சூப் பளபளப்பாக மாறி கஞ்சி பதத்தை அடைந்ததும் அடுப்பை அணைத்து விடவும்.
• உப்பு சேர்த்து கலக்கி விடவும்.
• சூப் அருந்தும் கிண்ணத்தில் எடுத்து வைத்து கொத்தமல்லி புதினா மற்றும் மிளகுப்பொடி தூவி பரிமாறவும்.
• ஆஹா!! அருமையான பப்பாளிக்காய் சூப் தயார்!! சூடாக அருந்தி மகிழவும்!!

குளிர்காலத்தில் மாலை வேளையில் அருந்துவதற்கு ஏற்ற பானம் ஆகும்.
செய்து பாருங்களேன்!! இதன் சுவை உங்களை மறு முறையும் செய்ய தூண்டும்!!

மேலும் சில சூப் வகைகள் முயற்சி செய்து பார்க்க

மஷ்ரூம் சூப்

மஷ்ரூம் பாலக் சூப்

தக்காளி சூப்

கொத்தமல்லி சூப்

சிறுதானியங்கள் சமையல் செய்முறைகள்

விதவிதமான சமையல் குறிப்புகள்

தொட்டுக்க சட்னி வகைகள்