Thinai-MaavuDosai

#தினைமாவுதோசை : தினை #சிறுதானியம் வகைகளுள் ஒன்று. சிறு தானியங்கள் வகைகளில் தினை மிக பழங்காலம் முதற் கொண்டு தமிழகத்தில் உணவாக உட்கொள்ளப்ப.டுகிறது. இத் தானியம் சிறு சிறு கோள வடிவத்தில் காணப்படுகிறது. தக தகவென தங்க நிறத்தை கொண்டுள்ளது. இரும்பு, செம்பு, துத்தநாகம் ஆகிய தாதுக்களை தன்னுள்ளே கொண்டுள்ளது. அமிலத்தன்மையை உருவாக்குவது இல்லை. தினை கொண்டு சில சமையல் குறிப்புகளை முன்பே பார்த்திருக்கிறோம்.
இங்கு தோசை செய்வது எப்படி என காண்போம்.

தேவையான பொருட்கள் :
1 கப்	இட்லி அரிசி
1/2 கப்	தினை அரிசி
1/2 கப்	பச்சரிசி
1 Tsp	வெந்தயம்
1/2 கப்	உளுத்தம் பருப்பு
2 Tsp	உப்பு

செய்முறை :
உப்பு தவிர மற்ற அனைத்து பொருட்களையும் ஒரு பெரிய பாத்திரத்தில் எடுத்துக்கொள்ளவும்.

இரண்டு மூன்று முறை நன்கு கழுவிய பின் இரண்டு மணி நேரம் ஊற வைக்கவும்.
இரண்டு மணி நேரம் ஊறிய பிறகு மாவரைக்கும் இயந்திரத்தை கழுவவும்.
பிறகு ஊறவைத்த அனைத்தையும் இயந்திரத்தில் போட்டு தேவையான அளவு தண்ணீர் சேர்த்து மைய அரைக்கவும்.
கடைசியாக உப்பு சேர்த்து ஒரு சுற்று சுற்றிய பின் பாத்திரத்தில் எடுத்து வைக்கவும்.
சிறிது தண்ணீர் விட்டு இயந்திரத்தில் ஒட்டியிருப்பதை கழுவி மாவுடன் சேர்க்கவும்.
ஆறு முதல் எட்டு மணி நேரம் அல்லது இரவு முழுவதும் புளிக்க விடவும்.
புளித்த பிறகு அடுப்பில் தோசை கல்லை மிதமான சூட்டில் சூடாக்கி எண்ணெய் தடவி இரண்டு கரண்டி மாவை நடுவில் வைத்து சமமாக பரப்பவும்.
தோசையின் மேலும் சுற்றியும் சிறிது எண்ணெய் விடவும்.
ஒரு மூடி கொண்டு மூடவும்.
ஓரம் மற்றும் நடுவில் சிவந்தவுடன் தட்டில் எடுத்து வைக்கவும்.
திருப்பி போட்டு வேக விட தேவையில்லை.
மொறு மொறு தோசை வேண்டும் எனில் மெல்லியதாக பரப்பி எண்ணெய் விட்டு மூடி சுட்டெடுக்கவும்.

விருப்பமான சட்னி அல்லது சாம்பார் தொட்டுக்கொண்டு சுவைக்கவும்.

முயற்சி செய்ய சில சமையல் குறிப்புகள் :

தினை எள்ளுஉருண்டை	திணை பால்பாயாசம் 1	தினை உப்புமா
தினை குழி பணியாரம்	தினை பொங்கல்

பலகாரங்கள்

தொட்டுக்கொண்டு சுவைக்க

மேலும் பல சமையல் செய்முறைகள்

Nellikkai-Peerkangkai-Chutney

#நெல்லிக்காய்பீர்க்கங்காய்துவையல் : சில தினங்களுக்கு முன் பீர்கங்காய் சட்னி செய்வது எப்படி என பார்த்தோம். சட்னியில் புளிப்பு சுவைக்காக புளி அல்லது எலுமிச்சை சாறை உபயோகப்படுத்துவது வழக்கம். நான் அவ்வாறன்றி இம்முறை புளிக்கு பதிலாக நெல்லிக்காயை உபயோகப்படுத்தினேன். சுவையாக இருந்தது. நெல்லிக்காய் வைட்டமின் C அதிக அளவில் கொண்ட கனியாகும். மேலும் நோய் எதிர்ப்பு சக்தியை உடலுக்கு அளிக்கிறது. இத்தகைய மருத்துவ குணமுள்ள நெல்லிக்காயை பயன் படுத்துவதால் நம் உடலுக்கு தேவையான அனைத்து சத்துக்களும் நமக்கு கிடைக்கிறது.

தேவையான பொருட்கள் :
1/2 கப்	பீர்கங்காய் தோல்
1/2 கப்	பீர்கங்காய் துண்டுகள்
3 - 4 Tsp	தேங்காய் துருவல்
1 1/2 Tsp	உளுத்தம் பருப்பு
1/4 Tsp	கொத்தமல்லி விதை
2 or 3	சிகப்பு மிளகாய்
small piece	பெருங்காயம்
1 or 2 Tsp	இஞ்சி மெல்லிய துண்டுகள்
2 or 3	நெல்லிக்காய்
1/2 Tsp	உப்பு
2 Tsp	எண்ணெய்

செய்முறை :

நெல்லிக்காயை கழுவி சுத்தம் செய்த பின் 8 நிமிடங்கள் ஆவியில் வேக வைத்து எடுக்கவும்.
கொட்டையை நீக்கி துண்டுகளாக்கவும்.

அடுப்பில் வாணலியை வைத்து அரை தேக்கரண்டி எண்ணெய் விட்டு சூடாக்கவும்.

சூடானபின் மிளகாய் மற்றும் உளுத்தம் பருப்பை சிவக்க வறுக்கவும்.

சிவந்த பின் எடுத்து தனியே வைக்கவும்.

பெருங்காயத்தை வறுத்தெடுக்கவும்.

மீண்டும் அரை தேக்கரண்டி எண்ணெய் விட்டு இஞ்சியை வாசனை வரும் வரை வதக்கி எடுக்கவும்.
இப்போது நெல்லிக்காய் துண்டுகளை 2 நிமிடங்கள் வதக்கி எடுத்து வைக்கவும்.

இப்போது மறுபடியும் எண்ணெய் விட்டு பீர்கங்காய் தோல் மற்றும் பீர்கங்காய் துண்டுகளை சேர்த்து வதக்கவும்.

மூடி போட்டு தோல் வேகும் வரை சிறிய தீயில் வைத்திருக்கவும்.

அவ்வப்போது மூடியை திறந்து கரண்டியால் பிரட்டி விட்ட பின் மூடி வேக விடவும்.

வறுத்த பொருட்கள் அனைத்தும் நன்கு ஆறிய பிறகு மிக்ஸியில் போட்டு மற்ற பொருட்களையும் சேர்த்து சிறிது தண்ணீர் சேர்த்து அரைக்கவும்.

உப்பு சரி பார்த்த பின் ஒரு கிண்ணத்தில் எடுத்து வைக்கவும்.

சாதத்துடன் கலந்து சாப்பிட நன்றாக இருக்கும்.

பொங்கல், உப்புமா போன்ற டிபன் வகைகளுடன் தொட்டுக்கொண்டு சாப்பிட நன்றாக இருக்கும்.

மேலும் சில சட்னி வகைகள் :

இஞ்சி துவையல்	கரிசலாங்கண்ணி	கொத்தமல்லி
கொத்தமல்லி விதை	கொத்தமல்லி புதினா

Thinai-Upma

#தினைஉப்புமா :
#தினை [ அ ] #தினையரிசி யின் ஆங்கில பெயர் : Foxtail Millet
அறிவியல் பெயர் : Setaria italica
தினையரிசி #சிறுதானியம் வகைகளுள் ஒன்று. சிறுதானியங்கள் அமிலத்தன்மையை உருவாக்குவதில்லை. மேலும் கோதுமையில் உள்ளது போல பசை தன்மை கொண்டதல்ல. கோதுமை மற்றும் அரிசியை ஒப்பிடும் போது நார் சத்து அதிகமாக கொண்டுள்ளது.
தினையில் புரத சத்து நிறைந்துள்ளது.
இவை தவிர தாதுக்களான இரும்பு, கால்சியம், பாஸ்பரஸ், துத்தநாகம் போன்றவை அதிக அளவில் உள்ளது.
அதனால் அடிக்கடி நமது உணவில் தினையை சேர்த்துகொள்வது நல்லது.
இனி தினையை உபயோகித்து உப்புமா செய்வது எப்படி என பார்ப்போம்.

தேவையான பொருட்கள் :
1 கப்	தினை அரிசி
2 Tsp	துவரம் பருப்பு
2 Tsp	உப்பு
1	வெங்காயம்
3	பச்சை மிளகாய்
10 - 15	கருவேப்பிலை
சிறு துண்டு	இஞ்சி
தாளிக்க :
1 Tsp	கடுகு
4 Tsp	கடலை பருப்பு
சிறு துண்டு	பெருங்காயம்
4 Tsp	நல்லெண்ணெய்

செய்முறை :
தினை அரிசி மற்றும்  துவரம் பருப்பு இரண்டையும் ஒரு பாத்திரத்தில் இட்டு இரண்டு முறை களைந்து பின்னர் கல் போக இரண்டு முறை அரித்தெடுக்கவும்.
தண்ணீரை முழுவதுமாக வடித்து விட்டு ஆற விடவும்.
அடுப்பில் மிதமான தீயில் அடி கனமான பாத்திரத்தை வைத்து எண்ணெய்  ஊற்றவும்.

எண்ணெய் காய்வதற்குள் வெங்காயத்தை பொடியாக நறுக்கி வைக்கவும்.
மிளகாயை நீள வாக்கில் கீறி வைக்கவும்.
இஞ்சியை சிறு சிறு துண்டுகளாக வெட்டி சிறிது நசுக்கி வைக்கவும்.
எண்ணெய்  காய்ந்ததும் கடுகு வெடிக்க விடவும்.
பிறகு கடலை பருப்பை பொன்னிறமாகும் வரை வறுக்கவும்.
இப்போது பெருங்காயம் சேர்த்து, உடனே கருவேப்பிலை மற்றும் நீள வாக்கில் இரண்டாக பிளந்த பச்சை மிளகாயையும் சேர்த்து வதக்கவும்.
பொடியாக நறுக்கிய இஞ்சி துண்டுகளை சேர்த்து வதக்கவும்.
இப்போது பொடியாக நறுக்கிய வெங்காயத்தை சேர்த்து வதக்கவும்.
வெங்காயம் வாசனை வர ஆரம்பித்து இலேசாக நிறம் மாறியதும் உப்பு போட்டு 2 கப் தண்ணீர் ஊற்றவும்.
நன்கு சாரணியால் கலக்கி விட்டு கொதிக்க விடவும்.


தண்ணீர் நன்கு கொதிக்க ஆரம்பித்தவுடன் கழுவி வைத்துள்ள தினை அரிசியை சேர்க்கவும்.
ஒரு நிமிடம் அதிக தீயில் கொதிக்க விட்ட பின்னர்
தீயை தணித்து ஒரு மூடியினால் மூடி விடவும்.
அவ்வப்போது திறந்து கிண்டி விட்டு மூடவும்.

தினை அரிசி வேக சுமார் 10 நிமிடங்கள் ஆகும்.
வெந்தவுடன் அடுப்பை அணைத்து விட்டு அதை அடுப்பின் மேல் மூடிய படியே மேலும் 3 நிமிடங்கள் வைக்கவும்.

பிறகு எடுத்து பரிமாறலாம்.
ஒரு தட்டில் தேங்காய் சட்னியுடன் அல்லது புதினா துவையல் / கறுவேப்பிலை துவையலுடன் பரிமாறவும்.



முயற்சி செய்ய மேலும் சில சமையல் குறிப்புகள்

அவல் உப்புமா	சேமியா உப்புமா	வரகரிசி உப்புமா
தினை பொங்கல்	தினை கஸ்டர்ட்

சிறுதானிய சமையல் வகைகள்

பலகார வகைகள்