Athalaikai-Curry

#அதலைக்காய்கறி : ஜூலை மாதம் முதல் வாரம் ஹூப்ளி நகரத்திற்கு சென்றிருந்தேன். அங்கு காய்கறி கடைத்தெருவிற்கு சென்றேன். அங்கு காய்கறி விற்பவர்கள் குவியல் குவியலாக பச்சை நிறத்தில் ஒரு காயை விற்க வைத்திருந்தார்கள். நான் முதலில் அவை பச்சை மிளகாயின் ஒரு வகையாக இருக்கும் என எண்ணினேன். பின்பு அருகில் சென்று பார்த்த போது பாகற்காயை போன்று மிக சிறு வடிவத்தில் இருப்பதைக் கண்டேன். காய் விற்றுக்கொண்டிருந்த வணிகர்களிடம் அதன் பெயரை வினவினேன். அதனை உபயோகித்து என்னென்ன செய்யலாம் எனவும் வினவினேன். அந்த காயிற்கு சொன்ன கன்னட பெயர் எனக்கு நினைவில் இல்லை. அவர்கள் இக்காயைக்கொண்டு குழம்பு மற்றும் கறி செய்யலாம் என சொன்னார்கள்.
புதிய காயின் சுவையை முயற்சி செய்யலாம் என வாங்கி வந்தேன். அதன் தோற்றம், சுவை மற்றும் மணம் பாகற்காயைப் போன்றே இருந்தது.
பின்பு கூகுளில் தேடிய போது தமிழில் இந்த காயின் பெயர் #அதலைக்காய் என்றறிந்தேன். இவ்வகை காய்கள் தமிழ் நாட்டின் தெற்கு மாவட்டங்களில் கிடைக்கும் என அறிந்துகொண்டேன். மேலும் நீரிழிவு மற்றும் குடல் புழுக்களை நீக்கவல்லது என அறிந்தேன். மேலதிக விவரங்களுக்கு கீழே கொடுக்கப்பட்டுள்ள இணைப்பை சொடுக்கவும்.
Athalaikai [ அதலைக்காய் ]

அதலைக்காயை உபயோகித்து பாகற்காய் மசாலா கறி போன்று செய்து சுவைத்தேன். அதன் சமையல் குறிப்பு இங்கு பகிர்ந்துள்ளேன்.

தேவையானவை :
150 gm	அதலைக்காய்
1 Tsp	கடலை எண்ணெய்
1 சிட்டிகை	மஞ்சத்தூள்
1/4 Tsp	கடுகு
1/2 Tsp	உளுத்தம் பருப்பு
1/2 Tsp	உப்பு
அரைக்க :
1 1/2 Tbsp	தேங்காய் துருவல்
2 - 3	சிகப்பு மிளகாய் [ அட்ஜஸ்ட் ]
1/2 Tsp	சீரகம்
1/2 Tsp	சோம்பு
1/4 Tsp	கொத்தமல்லி விதை
10 - 15	கருவேப்பிலை
சிறிதளவு	கொத்தமல்லி தழை
2 பற்கள்	பூண்டு
1 medium size	வெங்காயம், நறுக்கவும்
1/8 Tsp	உப்பு

செய்முறை :
அதலைக்காயை கழுவி சுத்தம் செய்த பின்னர் ஒவ்வொரு காயையும் இரண்டாகவோ அல்லது நான்காகவோ நறுக்கி வைக்கவும். விதை சிறிது கடினமாக இருந்தால் நீக்கி விடவும்.

வெங்காயம் தவிர்த்து மற்ற அரைக்கவேண்டிய பொருட்கள் அனைத்தையும் மிக்சியில் போட்டு அளவான தண்ணீர் விட்டு அரைக்கவும்.
கெட்டியாக அரைப்பது நல்லது.
கடைசியாக நறுக்கிய வெங்காயத்தை சேர்த்து ஒரு சுற்று சுற்றி எடுக்கவும்.
ஒரு கிண்ணத்தில் இட்டு தனியே வைக்கவும்.

அடுப்பில் வாணலியை வைத்து எண்ணெய் விட்டு சூடாக்கவும்.
எண்ணெய் சூடானதும் கடுகு போட்டு வெடித்த பின்னர் உளுத்தம் பருப்பை இட்டு சிவக்க வறுத்த பிறகு வெட்டி வைத்துள்ள அதலைக்காயை சேர்க்கவும்.
மஞ்சத்தூள் மற்றும் தேவையான உப்பு சேர்த்து கலந்து விடவும்.
சிறிது தண்ணீர் தெளித்து மூடியால் மூடி வேக விடவும்.

காய் வெந்தவுடன் அரைத்து வைத்துள்ள மசாலாவை சேர்த்து நன்கு கிளறி விடவும்.
பச்சை வாசனை போகும் வரை சிறிய தீயில் வைத்திருக்கவும்.
இடையில் அவ்வப்போது கிளறி விடவும்.
உப்பு சரி பார்க்கவும்.

தண்ணீர் வற்றி நன்கு வதங்கியவுடன் கொத்தமல்லி தழையை கிள்ளி போட்டு அடுப்பை அணைத்து விடவும்.
பரிமாறும் கிண்ணத்தில் எடுத்து வைக்கவும்.
மேலும் சிறிது கொத்தமல்லி தழைகளை தூவி அலங்கரிக்கவும்.
சுவையான அதலைக்காய் கறி தயார்.

சாம்பார் மற்றும் ரசம் விட்டு பிசைந்து இக்கறியை தொட்டுக்கொண்டு சாப்பிட மிக அருமையாக இருக்கும்.








மேலும் சில அருமையான சமையல் குறிப்புகள் 

முயற்சி செய்து பார்க்க

சுண்டைக்காய் மசாலாகறி	காலிப்ளவர் உருளை மசாலா கறி	சேப்பங்கிழங்கு மசாலா கறி
பலாமுசு மசாலா கறி	கொள்ளு சுண்டல்

Sundaikkai-Masala-Curry

#சுண்டைக்காய்மசாலாகறி : #சுண்டைக்காய் மார்க்கெட்டில் அரிதாக கிடைக்கும் ஒரு காயாகும். நமது வீட்டின் கொல்லை அல்லது வேலி ஓரங்களில் தானாக முளைக்கும் செடியாகும். இது கத்தரிக்காய் வகையை சேர்ந்த தாவரமாகும். இளைசான காய் சுவை மிகுந்ததாக இருக்கும். சில சுண்டைக்காய் வகைகள் சிறிது கசப்புத் தன்மை கொண்டதாக இருக்கும்.
சுண்டைக்காயை வேக வைத்து அரைத்த தேங்காய் மசாலா சேர்த்து கறி செய்தால் மிகவும் சுவையாக இருக்கும்.
இனி செய்வதெப்படி என்று பார்ப்போம்.

தேவையான பொருட்கள் :
1 கப்	சுண்டைக்காய் [ pea eggplant ]
1 பெரியது	வெங்காயம், நீளவாக்கில் வெட்டவும்
1 நடுத்தர அளவு	தக்காளி, பொடியாக நறுக்கவும்
2 Tsp	எண்ணெய்
1/2 Tsp	கடுகு
1 Tsp	உளுத்தம் பருப்பு
ஒரு சிட்டிகை	மஞ்சத்தூள்
1/2 Tsp	உப்பு [ adjust ]
மசாலாவிற்கு :
2 Tbsp	தேங்காய் துருவல்
1 Tsp	சீரகம்
1/2 Tsp	சோம்பு
1 Tsp	கொத்தமல்லி பொடி
2	பூண்டு பற்கள்
1 or 2	சிகப்பு மிளகாய் [ adjust ]
1	வெங்காயம், நறுக்கிவைக்கவும்
10	கருவேப்பிலை
2 Tsp	கொத்தமல்லி நறுக்கியது
1/4 Tsp	உப்பு

சிறிது பொடியாக நறுக்கிய கொத்தமல்லி அலங்கரிக்க

செய்முறை :
சுண்டைக்காயின் காம்பை நீக்கி சுத்தமான தண்ணீரில் கழுவவும்.
காயை இரண்டாக நறுக்கி தண்ணீரில் போடவும்.
மசாலா அரைப்பதற்காகக் கொடுக்கப்பட்டுள்ள பொருட்கள் அனைத்தையும் வெங்காயம் நீங்கலாக மிக்சி பாத்திரத்தில் எடுத்துக் கொள்ளவும்.
தண்ணீர் விடாமல் முதலில் அரைக்கவும்.
பின்னர் சிறிது தண்ணீர் சேர்த்து நன்கு அரைக்கவும்.
கடைசியாக வெட்டி வைத்துள்ள வெங்காயத்தை சேர்த்து ஒரு சுற்று சுற்றி எடுக்கவும்.
வெங்காயம் திப்பி திப்பியாக அரைத்தால் போதுமானது.
இவ்வாறு அரைத்த மசாலாவை தனியே எடுத்து வைக்கவும்.

அடுப்பின் மீது மிதமான தீயில் வாணலியை வைத்து எண்ணெய் விட்டு சூடாக்கவும்.
எண்ணெய் சூடானதும் கடுகு போட்டு வெடிக்க விடவும்.
அடுத்து உளுத்தம் பருப்பு போட்டு சிவக்கும் வரை வாதக்கவு.
இப்போது வெங்காயத்தை சேர்த்து சற்றே வெளிர் நிறமாக மாறும் வரை வதக்கவும்.
அடுத்து பொடியாக நறுக்கிய தக்காளியை சேர்த்து சிறிது வதக்கிய பின் வெட்டி வைத்துள்ள சுண்டைக்காயை சேர்க்கவும்.
இரண்டு சிட்டிகை மஞ்சத்தூள் மற்றும் தேவையான உப்பு சேர்த்து கிளறி மூடி போட்டு வேக விடவும்.
சுண்டைக்காய் வேக ஐந்திலிருந்து ஏழு நிமிடங்கள் வரை எடுக்கும்.
காய் வெந்தவுடன் அரைத்த மசாலாவை சேர்த்து நன்கு கிளறவும்.
உப்பு சரி பார்க்கவும்.
பச்சை வாசனை போகும் வரை அடுப்பில் வைத்திருக்கவேண்டும்.
தண்ணீர் சுண்டி மசாலா நன்கு காயுடன் சேர்ந்து வரும் வரை அடுப்பில் வைத்து இருக்க வேண்டும்.
அடி பிடிக்காமல் இருக்க அவ்வப்போது கிளறி விட வேண்டும்.
அடுப்பை அணைத்து விட்டு பரிமாறும் கிண்ணத்தில் எடுத்து வைக்கவும்.

மதிய உணவுக்கு ஏற்ற சுவையான மசாலா கறி தயார். சாம்பார், 

ரசம் மற்றும் தயிர் சாதத்திற்கு பொருத்தமான கறியாகும்.

மேலும் சில அருமையான சமையல் குறிப்புகள் முயற்சி செய்து பார்க்க

காலிப்ளவர் உருளை மசாலா கறி	காலிப்ளவர்கொண்டை .. மசாலா கறி	சேப்பங்கிழங்கு மசாலா கறி
பலாமுசு மசாலா கறி	கொள்ளு சுண்டல்

Sepangkizhangu Masala Curry

#சேப்பங்கிழங்குமசாலாகறி : #சேப்பங்கிழங்கு இங்கு ராய்ப்பூரில் தாராளமாக கிடைக்கும். இதனை அரபி என அழைக்கிறார்கள். இந்த கிழங்கை உபயோகித்து சாம்பார், மோர்குழம்பு மற்றும் #கறி செய்யலாம்.
இங்கு நான் இந்த கிழங்குடன் தேங்காய் கொண்டு தயாரித்த மசாலா சேர்த்து கறி எவ்வாறு செய்வது என பதிவிடப் போகிறேன்.

தேவையான பொருட்கள் :
6 - 8                                       சேப்பங்கிழங்கு
2 Tsp                                     எண்ணெய்
1/2 Tsp                                  கடுகு
1 Tsp                                     உளுத்தம் பருப்பு
1/4 கப்                                 காலிப்ளவர் துண்டுகள் [ இருந்தால் ]
3 - 4                                       காளான் [ இருந்தால் ]
1/2 Tsp                                  உப்பு

மசாலாவிற்கு :
1/4 கப்                                  தேங்காய் துருவல்
2                                             சிகப்பு மிளகாய்
1 Tsp                                      சீரகம்
1 Tsp                                      பெருஞ்சீரகம்
1 Tsp                                      மல்லித்தூள்
10                                          கறுவேப்பிலை
2 Tsp                                     கொத்தமல்லி
10 - 15                                  புதினா இலைகள்
2 பற்கள்                            பூண்டு
1                                           வெங்காயம்,தோல் நீக்கி பெரிய துண்டுகளாக்கவும்.
1/4 Tsp                                 உப்பு

செய்முறை :
கிழங்கை மண் போக கழுவி [ இங்கு கிழங்கு நன்கு கழுவப்பட்டே விற்கப்படும்.] குக்கரில் நேரிடையாகவோ அல்லது மற்றொரு பாத்திரத்தில் வைத்தோ வேகவைக்கவும். உப்பு சேர்த்து இரண்டு விசில்கள் வரும் வரை வேகவிடவும். வெந்ததும் தோலுரித்து வைக்கவும்.

வெங்காயம் நீங்கலாக மற்றனைத்தையும் மிக்ஸியில் தண்ணீர் விடாமல் முதலில் அரைக்கவும். பின்பு சிறிது தண்ணீர் சேர்த்து அரைக்கவும். கொரகொரவென அரைத்தால் போதுமானது.

கடைசியாக வெங்காய துண்டுகளை சேர்த்து ஒரு சுற்று சுற்றி உடனே நிறுத்தி விடவும். வெங்காயம் திப்பி திப்பியாக அரை பட்டால் போதும். தனியே எடுத்து வைக்கவும்.

அடுப்பில் வாணலியை வைத்து எண்ணெய் விட்டு சூடாக்கவும்.
கடுகை வெடிக்க விட்டு உளுத்தம் பருப்பை சேர்த்து வறுக்கவும்.
பருப்பு சிவந்தவுடன் காலிப்ளவர்,உப்பு மற்றும் ஒரு சிட்டிகை மஞ்சத்தூள் சேர்த்து வதக்கி ஓரிரு நிமிடங்கள் தட்டால் மூடி வேகவைக்கவும்.

காலிப்ளவர் முக்கால் பாகம் வெந்தால் போதுமானது.
இப்போது வெந்த கிழங்கை ஒரே அளவு துண்டுகளாக்கி காளிப்ளவரோடு சேர்க்கவும்.

காளான் எடுத்திருந்தால் அதையும் சேர்த்து ஓரிரு மணித்துளிகள் வதக்கவும்.

அரைத்து வைத்துள்ள மசாலாவை சேர்த்து நன்கு பிரட்டி விடவும்.

மிதமான தீயில் வைத்து அடி பிடிக்காமல் அவ்வப்போது கிளறி விடவும்.

மசாலாவின் பச்சை வாசனை போகும் வரையும் தண்ணீர் சுண்டும் வரையும் அடுப்பில் வைத்திருக்கவும்.
தயாரானவுடன் கிண்ணத்தில் எடுத்து வைக்கவும்.
கொத்தமல்லி மற்றும் கறுவேப்பிலை தூவி அலங்கரிக்கவும்.

மேலும் சில அருமையான சமையல் குறிப்புகள் 

முயற்சி செய்து பார்க்க

காலிப்ளவர் உருளை மசாலா கறி	காலிப்ளவர்கொண்டை .. மசாலா கறி	சுண்டைக்காய் மசாலாகறி
பலாமுசு மசாலா கறி	கொள்ளு சுண்டல்

Cauliflower Kondakadalai Masala Curry

காலிப்ளோவர்கொண்டகடலைமசாலா கறி  : இந்த பூவை கொண்டு மஞ்சூரியன், #காலிப்ளோவேர்  65, கறி, பொரியல், போன்ற பல வகையான உணவு வகைகள் சமைக்கப் படுகின்றன. இவை அனைத்தையும் விட தேங்காய் மசாலா அரைத்து கொண்டை கடலையுடன் செய்யப்படும் கறி  உருளை கிழங்குடன் செய்யப்படும் கறி  போன்றே மிக மிக அருமையாக இருக்கும். இந்த உணவு வகை மதிய சமையலில் சாம்பார் மற்றும் ரசம் சாதத்துடன் சாப்பிட அருமையாக இருக்கும்.

தேவையான பொருட்கள் :
 1/2 கப்                                       காலி ப்ளோவேர் அரிந்தது
1/4 கப்                                        கொண்டை கடலை வேக வைத்தது
1/4 கப்                                        சிறு கீரை [ விருப்பமானால் ]
1 சிட்டிகை                             மஞ்சத்தூள்
1/4 Tsp                                        உப்பு

மசாலா அரைக்க :
2 Tbsp                                       தேங்காய் துருவல்
2                                               பச்சை மிளகாய்
1 Tsp                                         சீரகம்
1 Tsp                                         சோம்பு
1/4 Tsp                                     மல்லி விதை
3 பற்கள்                               பூண்டு
1 சிறிய அளவு                  வெங்காயம்
2 சிட்டிகை                          உப்பு
கொத்தமல்லி தழை மற்றும் கருவேப்பிலை விருப்பமான அளவு.

தாளிக்க :
1/2 Tsp                                    கடுகு
1 Tsp                                       உளுத்தம் பருப்பு
1 Tsp                                      எண்ணெய்

அலங்கரிக்க :
கொத்தமல்லி தழை சிறிதளவு.

செய்முறை :
அடுப்பில் வாணலியை வைத்து எண்ணெய் விட்டு சூடாக்கவும். சூடானதும் கடுகை வெடிக்க விட்டு பின் உளுத்தம் பருப்பை சேர்த்து வறுக்கவும்.

பொன்னிறமானபின் சுத்தம் செய்து வெட்டி வைத்துள்ள  காலி ப்ளோவேர் துண்டுகளையும் மஞ்சதூளையும் சேர்க்கவும். சிறிது நேரம் வதக்கிய பின் மூடியினால் மூடி வைத்து வேக விடவும்.

இப்போது மிக்சியில் வெங்காயம் நீங்கலாக மற்ற அனைத்தையும் சேர்த்து தண்ணீர் சேர்க்காமல் முதலில் அரைக்கவும்.
பின் சிறிது தண்ணீர் சேர்த்து அரைத்துக் கொள்ளவும்.

கடைசியாக வெங்காயம் சேர்த்து ஓரிரு சுற்று சுற்றி வெங்காயம் திப்பிதிப்பியாக இருக்குமாறு அரைத்துக் கொள்ளவும்.

இப்போது வாணலியில் காய் வெந்து விட்டதா என பார்க்கவும்.

அரைத்து வைத்துள்ள மசாலாவையும் வேக வைத்த கொண்டாய் கடலையையும் சேர்க்கவும்.

நன்கு சாரணியால் கிளறி விடவும்.
பச்சை வாசனை போகும் வரையும், முழுவதுமாக  தண்ணீர் சுண்டும் வரையிலும் அவ்வப்போது கிளறி விட வேண்டும்.

தண்ணீர் சற்றே வற்றிய பிறகு சிறு கீரையை நறுக்கி சேர்க்கவும்.
கிளறி விடவும்.

கீரை வெந்தவுடன் அடுப்பை அணைத்து விட்டு பரிமாறும் கிண்ணத்தில் எடுத்து வைக்கவும்.
எல்லாம் ஒன்று சேர்ந்து தயார் ஆவதற்கு கிட்டத்தட்ட 10 நிமிடங்கள் ஆகலாம்.
கொத்தமல்லி தழை கொண்டு அலங்கரிக்கவும்.

சுவையான காலி ப்ளோவேர் கொண்டை கடலை மசாலா கறி தயார்.

• மசாலா அரைக்கும் போது தண்ணீர் சிறிதளவே சேர்த்து அரைக்க வேண்டும். இல்லையெனில் தண்ணீர் சுண்டுவதற்காக மிகுந்த நேரம் அடுப்பில் வதக்க வேண்டி இருக்கும். மிகுந்த நேரம் கிளறினால் சுவையும் மாறுபடும். 
• சிறு கீரைக்குப்  பதில் பசலை கீரை [ spinach ] அல்லது தங்களுக்கு விருப்பமான ஏதாவது ஒரு கீரையை உபயோகப்படுத்தலாம்.
• கொண்டை கடலையை முதல் நாளோ அல்லது சுமார் 6 மணி நேரம் ஊறவைக்க வேண்டும். பிறகு குக்கரில் 1 விசில் வரும் வரை வேக வைக்க வேண்டும். நன்றாக ஊறியதாக இருந்தால் வெந்துவிடும். இல்லையெனில் இன்னும் ஓரிரு விசில் வரும் வரை வேக வைத் தெடுக்கவும். 

மேலும் சில அருமையான சமையல் குறிப்புகள் முயற்சி செய்து பார்க்க

சுண்டைக்காய் மசாலாகறி

காலிப்ளவர் உருளை மசாலா கறி

சேப்பங்கிழங்கு மசாலா கறி

பலாமுசு மசாலா கறி

கொள்ளு சுண்டல்