Inji Thokku

#இஞ்சிதொக்கு : #இஞ்சி நமது உணவின் சுவையை கூட்டுவதற்காகவும் மருத்துவ குணங்களுக்காகவும் பயன் படுத்தப்படுகிறது. பொங்கல் , &  உப்புமா போன்ற சிற்றுண்டிகளில் சிறிதளவேனும் இஞ்சி சேர்க்கும் போது அவற்றின் சுவை மிகுதியாவது திண்ணம். தேங்காய் சட்னி,  &  வெங்காய சட்னி போன்ற சட்னி வகைகளை அரைக்கும் போது சிறிதளவு இஞ்சியை பச்சையாகவோ அல்லது வறுத்தோ சேர்க்கும் போது சட்னி கூடுதல் சுவையுடன் இருப்பதைக் காணலாம்.
இஞ்சியை உபயோகித்து ஒரு சுவையான #தொக்கு செய்வதெப்படி என இங்கு காணலாம்.

தேவையானவை :
150 gms	இஞ்சி
8 - 10	சிகப்பு மிளகாய் [ கூட்டி குறைக்கவும் ]
1/2 Tsp	வெந்தயம்
நெல்லி அளவு	புளி
1/2 Tsp	மஞ்சத்தூள்
15 - 20	கருவேப்பிலை [ விருப்பப்பட்டால் ]
1 Tsp	வெல்லம் [ கூட்டி குறைக்கவும் ]
1 Tsp	கடுகு
2 Tsp	உப்பு [ கூட்டி குறைக்கவும் ]
1/3 cup	நல்லெண்ணெய்

செய்முறை :

நெல்லிக்காய் அளவு புளியை சூடான தண்ணீரில் ஊறவைக்கவும்.

இஞ்சியை மண் போக கழுவிய பின்னர் தோல் நீக்கி சிறு சிறு நீள வடிவ துண்டுகளாக நறுக்கி வைக்கவும்.

வாணலியை மிதமான தீயில் வைத்து அரை தேக்கரண்டி எண்ணெய் விட்டு சூடாக்கவும்.

அதில் வெந்தயத்தை சிவக்க வறுத்து எடுத்து இடிக்கும் உரலில் இட்டு வைக்கவும்.

அதே வாணலியில் மேலும் சிறிது எண்ணெய் விட்டு சிகப்பு மிளகாயை போட்டு நன்கு வறுக்கவும். வறுபட்ட மிளகாயை ஒரு தட்டில் எடுத்து வைக்கவும்.

அடுத்து அதே வாணலியில் ஒரு தேக்கரண்டி எண்ணெய் விட்டு நறுக்கிய இஞ்சி துண்டுகளை போட்டு நன்கு சிவக்கும் வரை வதக்கவும்.
வறுத்த இஞ்சி துண்டுகளை ஒரு தட்டில் எடுத்து வைக்கவும்.
நன்கு ஆறிய பின்னர் மிக்சியில் இட்டு அதனுடன் வறுத்த மிளகாய், உப்பு, வெல்லம் மற்றும் ஊறவைத்த புளி சேர்த்து கொரகொரப்பாக அரைத்து எடுக்கவும்.
வாணலியை மீண்டும் அடுப்பில் ஏற்றி மீதமுள்ள எண்ணெய்யை ஊற்றி சூடாக்கவும்.
எண்ணெய் சூடானதும் கடுகு வெடிக்க விடவும்.
அடுத்து கருவேப்பிலையை கிள்ளி சேர்த்து அரைத்த விழுதை சேர்க்கவும்.
உப்பு சரி பார்க்கவும். தேவையெனில் சிறிது சேர்த்து கிளறவும்.
நன்கு கிளறவும். சிறிது நேரத்தில் நன்கு உருண்டு வரும்.
ஊற்றிய எண்ணெயும் வெளியில் கக்க ஆரம்பிக்கும்.
அந்த நேரத்தில் வறுத்த வெந்தயத்தை உரலில் இடித்து சேர்க்கவும்.
நன்கு ஒருமுறை கிளறி விட்டு அடுப்பை அணைத்து விடவும்.
சூடு ஆறியதும் ஒரு பீங்கான் கிண்ணத்தில் அல்லது ஒரு கண்ணாடி குடுவையில் எடுத்து வைக்கவும்.
உபயோகப்படுத்தும் போது சுத்தமான ஈரமில்லாத தேக்கரண்டி கொண்டு வேறொரு சிறிய கிண்ணத்தில் எடுத்து வைத்து உபயோகிக்க வேண்டும்.
இவ்வாறு சாதாரணமாக வெளியில் வைத்து பயன் படுத்தும் போது பத்து நாட்கள் முதல் ஒரு மாதம் வரை கெடாமல் இருக்கும்.
சாதத்தில் கலந்து சாப்பிடலாம்.
இட்லி,  &  தோசை,  &  உப்புமா,   &  பொங்கல் போன்ற டிபன் வகைகளுடன் தொட்டுக்கொண்டு சாப்பிட்டால் அருமையாக இருக்கும்.
தயிர் சாதத்துடன் தொட்டுக்கொண்டு சாப்பிட்டாலும் மிக அருமையாக இருக்கும்.

குறிப்பு : மிளகாய், உப்பு மற்றும் வெல்லத்தின் அளவை அவரவர் சுவைக்கேற்ப கூட்டிக் குறைத்துக்கொள்ளவும்.






சில சமையல் குறிப்புகள் முயற்சி செய்து பார்க்க

நெல்லிக்காய் மிட்டாய்	நெல்லிக்காய் தேனில் ஊறியது	ஆவக்காய்  ஊறுகாய்
உப்பு  எலுமிச்சங்காய்	நெல்லிக்காய் ஊறுகாய்

Inji Thuvaiyal

#இஞ்சிதுவையல் : பொதுவாக நான் #இஞ்சி யை எலுமிச்சை ரசம், மோர் குழம்பு, உப்புமா, ..... போன்ற மிகச் சிலவற்றிலேயே மிகச் சிறிய அளவில் இஞ்சியை சேர்ப்பது வழக்கம். இஞ்சியின் வாசனை என் மகளுக்கு பிடிக்காது. அதனால் பெரும்பாலும் சமையலில் உபயோகப் படுத்துவது இல்லை.
தற்போது ஜெர்மனியில் வசித்து வரும் என் மகள் அவளுடைய ஆந்திராவைச் சேர்ந்த தோழியின் வீட்டில் இஞ்சி துவையலை சுவைத்து பார்த்தவுடன் மிகவும் பிடித்து விட்டது. அதனால் அவள் தோழியின் தாயாரிடம் கற்றுக்கொள்ள என்னை அறிவுருத்தினாள். நானும் தொலைபேசியில் அவரிடம் செய்யும் முறையை அறிந்துக் கொண்டேன்.
அதிக நாட்களுக்கு வைத்துகொள்வதற்காக நன்கு எண்ணையில் சுருள வதக்கி வைக்க வேண்டும் என்றார்கள். நான் அவர்கள் சொன்னபடியே செய்தேன். ஆனால் அரைத்தவுடன் அப்படியே எடுத்து வைத்து விட்டேன். மறுபடியும் எண்ணெயில் வதக்க வில்லை.

தேவையான பொருட்கள் :

2 அங்குல துண்டு                            இஞ்சி

2 Tsp                                                     உளுத்தம் பருப்பு 

3 ( Adjust )                                            சிகப்பு மிளகாய் 

சின்ன நெல்லி அளவு                      புளி 

2 Tsp                                                    வெல்லம் 

3/4 Tsp                                                  உப்பு 

1 Tsp                                                     எண்ணெய்

செய்முறை :

அடுப்பில் வாணலியை வைத்து 1/2 Tsp எண்ணெய் ஊற்றி சூடாக்கவும்.

முதலில் சிகப்பு மிளகாயையும் உளுத்தம் பருப்பையும் வறுத்தெடுக்கவும்.

மிக்ஸி பாத்திரத்தில் எடுத்து வைக்கவும்.

மறுபடியும் 1/2 Tsp எண்ணெய் விட்டு இஞ்சி துண்டுகளை நன்கு வதக்கவும்.

கடைசியாக புளியை இஞ்சியுடன்  சிறிது நேரம் வதக்கி எடுக்கவும்.

ஆறியவுடன் மற்ற பொருட்களுடன் சேர்த்து தண்ணியில்லாமல் முதலில் அரைக்கவும்.

பிறகு சிறிது தண்ணீர் சேர்த்து நன்றாக அரைக்கவும்.

உப்பையும் இனிப்பையும்  சரி பார்க்கவும்.

ஒரு சிறிய கிண்ணத்தில் எடுத்து வைக்கவும்.

இந்த இஞ்சி துவையல் இட்லி, தோசை, உப்புமா, பொங்கல் போன்ற அனைத்து விதமான பலகாரங்களுக்கும் ஏற்றதாக உள்ளது.

சாதத்தில் நல்லெண்ணையுடன் கலந்து சாப்பிட்டாலும் மிக அருமையாக இருக்கும். 

மேலும் சில சட்னி வகைகள் முயற்சி செய்து பார்க்க

• படத்தின் மீது அம்புக்குறியை வைத்தால் சமையல் குறிப்பின் பெயரை அறிந்துகொள்ளலாம்.
• படத்தின் மேல் ஒரு முறை சொடுக்கினால் பதிவிற்கு செல்லலாம்.

மற்ற சட்னி வகைகளுக்கு கீழே கொடுக்கப்பட்டுள்ள இணைப்பை சொடுக்கவும்.

சட்னி வகைகள்

இந்த சமையல் குறிப்பு மிகவும் உபயோகமாக இருப்பின் கீழே உள்ள கருத்துக்களை பதிவிடும் பெட்டியில் தங்களது கருத்தினை பதிவிடவும்.

மேலும் தங்களைப்போல மற்றவர்களும் பயனடைய கீழ உள்ள பெட்டியின் வழியாக முகநூல், ப்ளாகர், ட்விட்டர், பிண்டரஸ்ட், G+ போன்ற சமூக வலை தளங்களிலும் பகிரவும். நன்றி.