Cabbage Poriyal

#முட்டைகோஸ்பொரியல் : இந்த பொரியல் செய்வது மிக மிக எளிது. ஆனால் சுவையோ அபாரமாக இருக்கும்.
முட்டைகோஸை கீரை வகைகளிலேயே சேர்ப்பது நலம். ஏனெனில் நாம் உண்ணும் முட்டைகோஸ் கொழுந்து இலைகளின் கெட்டியான உருண்டையாகும்.
இதனை உபயோகித்து சாலட், பொரியல், கூட்டு போன்ற பதார்த்தங்கள் செய்யலாம்.
மேலும் முட்டைகோஸை பற்றி அறிய
http://en.wikipedia.org/wiki/Cabbage

இப்போது முட்டைகோஸை உபயோகித்து பொரியல் எப்படி செய்யலாம் என பார்ப்போம். மூன்று பேருக்கு மதிய உணவில் தொட்டுக்கொள்ள சரியாக இருக்கும்.

தேவையான பொருட்கள் :
1 1/2 கப்                                    முட்டைகோஸ் பொடியாக அரிந்தது
1 சிட்டிகை                               மஞ்சத்தூள்
1/4 Tsp                                        மிளகாய் தூள்
1/2 Tsp                                         உப்பு
1 அ 2                                         பச்சை மிளகாய், பொடியாக அரியவும்
1 சிறிய அளவு                        வெங்காயம், பொடியாக அரியவும்
8                                                கருவேப்பிலை
6                                                பசலை கீரை , பொடியாக நறுக்கவும்
சிறிது                                       கொத்தமல்லி தழை
1 Tbsp                                        தேங்காய் துருவல்

தாளிக்க :
1/2 Tsp                                       கடுகு
1 Tsp                                          உளுத்தம் பருப்பு
1/2 Tsp                                       எண்ணெய்

செய்முறை :
குக்கரில் 1/2 கப் தண்ணீர் எடுத்துகொள்ளவும்.
அதில் மஞ்சத்தூள், மிளகாத்தூள், உப்பு சேர்த்து கலக்கவும்.
அதில் அரிந்து வைத்துள்ள முட்டைகோஸை சேர்த்து மூடி வெயிட் பொருத்தி ஒரு விசில் வரும்வரை அதிக தீயில் வேக விடவும்.
உடனேயே ஆவியை வெளியேற்றி வேகவைத்த தண்ணீரை வடிகட்டி தனியே எடுத்து வைக்கவும்.

அடுப்பில் வாணலியில் எண்ணெய் விட்டு மிதமான தீயில் சூடாக்கவும்.
சூடானதும் கடுகை வெடிக்க விட்டு உளுத்தம் பருப்பை சேர்க்கவும்.
பருப்பு சிவந்ததும் பச்சை மிளகாய், கருவேப்பிலை, கொத்தமல்லி சேர்த்து வதக்கவும்.
பிறகு வெங்காயம் சேர்த்து 1 நிமிடம் வதக்கி வேகவைத்த முட்டைகோஸை சேர்க்கவும்.

அதிக தீயில் கைவிடாமல் கிளறவும்.
அதிகப்படியான நீர் வற்றியதும் பசலை கீரை மற்றும் தேங்காய் துருவல் சேர்த்து 1/2 நிமிடம் பிரட்டி பரிமாறும் கிண்ணத்தில் எடுத்து வைக்கவும்.

கொத்தமல்லி தழையால் அலங்கரிக்கவும்.