Varagarisi-Neer-Dosai

#வரகரிசிநீர்தோசை : #வரகரிசி சுருக்கமாக #வரகு #சிறுதானியம் வகைகளுள் ஒன்றாகும். இதனை பற்றி அறிய கீழே கொடுத்துள்ள இணைப்பை சொடுக்கவும்.
வரகரிசி

இங்கு வரகரிசி கொண்டு சுவையான நீர் தோசை எவ்வாறு செய்யலாம் என காண்போம்.

தேவையான பொருட்கள் :
2 கப்	வரகு அரிசி [ Kodo millet ]
1/2 கப்	தேங்காய் துருவல்
2 Tsp	உப்பு
1 Tsp	சர்க்கரை

தோசை சுட்டெடுப்பதற்கு தேவையான நல்லெண்ணெய்.

செய்முறை :

வரகரிசியை இரண்டு முறை கழுவி விட்டு இரண்டு முதல் மூன்று மணி நேரம் ஊறவைக்கவும்.

ஊறிய பிறகு மாவரைக்கும் இயந்திரத்தில் அரிசி மற்றும் தேங்காயை நன்கு மைய அரைத்தெடுக்கவும்.

மாவை ஒரு பாத்திரத்தில் வழித்து எடுக்கவும்.

1/2 கப் தண்ணீர் விட்டு இயந்திரத்தில் ஒட்டிக்கொண்டிருக்கும் மாவையும் கழுவி மாவுடன் சேர்க்கவும்.

உப்பு மற்றும் சர்க்கரை சேர்த்து நன்கு கலக்கி வைக்கவும்.

மாவு நன்கு நீர்க்க இருக்க வேண்டும்.

அப்போதுதான் மெல்லிய தோசையாக சுட முடியும்.

இந்த மாவை புளிக்க வைக்க தேவை இல்லை.

உடனேயே தோசை சுடலாம்.

அடுப்பில் தோசைகல்லை சூடாக்கவும்.

சூடானதும் எண்ணெய் தடவி தோசைகல்லின் வெளி ஓரத்தில் இருந்து நடு வரை மாவை வட்டமாக ஊற்றவும். 

தோசையின் மேலும் விளிம்புகளை சுற்றியும் எண்ணெய் சொட்டு சொட்டாக விடவும்.
சிறிது நேரத்தில் தோசையின் ஓரங்களும் நடுவேயும் சிவக்க ஆரம்பிக்கும்.
தோசை வெந்து விட்டது என கொள்ளலாம்.
மென்மையாக தோசை திருப்பியால் தோசையின் மேல் தெளிக்கப்பட்ட எண்ணெயை பரப்பி விடவும்.
இவ்வாறு செய்வதால் தோசை காய்ந்து போகாமல் இருக்கும்.

இந்த தோசை ஒரு பக்கம் வெந்தால் போதுமானது.
திருப்பிப் போட தேவையில்லை.

தோசையை எடுத்து பரிமாறும் தட்டில் எடுத்து வைக்கவும்.
இதேபோல தோசையை ஒவ்வொன்றாக சுட்டெடுக்கவும்.

சுவையான மென்மையான வரகரிசி நீர் தோசை தயார்.
காரமான பூண்டு சட்னி அல்லது தக்காளி சாம்பார் அல்லது தக்காளி சட்னி  யுடன்  சுவைக்கவும்.

மேலும் சில சமையல் குறிப்புகள் முயற்சி செய்து பார்க்க

ஓட்ஸ் தோசை	முடக்கத்தான் தோசை	கொடி பசலை தோசை
குதிரைவாலி சர்க்கரை	குதிரைவாலி பாயசம்

மற்ற வரகரிசி சமையல் குறிப்பிற்கு

வரகரிசி சமையல் குறிப்புகள்

சிறுதானிய சமையல் குறிப்புகளுக்கு கீழே உள்ள இணைப்பை சொடுக்கவும்.

சிறுதானிய சமையல்

Varagu-Varagarisi-Kodo-Millet

#வரகு அல்லது #வரகரிசி : வரகரிசி ஆங்கிலத்தில் #KodoMillet என அழைக்கப்படுகிறது.
வரகரிசி #சிறுதானியம் வகைகளுள் ஒன்று.
வரகரிசியின் அறிவியல் பெயர் : Paspalum scrobiculatum
கன்னட பெயர் : ஹர்கா
மலையாள பெயர் : கூவரகு
தெலுங்கு பெயர் : அரிகெலு
ஹிந்தி பெயர் : கோடான் ( அ ) கோடரி

எல்லா சிறுதானியங்களும் அமிலதன்மை உருவாக்குவது இல்லை.
அதே போல பசைத் தன்மையும் கிடையாது.
நாம் அன்றாடம் உபயோகிக்கும் அரிசி மற்றும் கோதுமையை விட அதிக அளவு புரத சத்து கொண்டது இச் சிறுதானியங்கள்.
வரகரிசியில் நார் சத்தும் அதிகமாக நிறைந்துள்ளது.
வரகரிசியில் இரும்பு தாது, கால்சியம், பாஸ்பரஸ் போன்ற தாதுக்களும் குறிப்பிடத் தக்க  அளவில் உள்ளது.
#சிறுதானியம் வகைகள் மற்றும் வரகரிசியை பற்றி மேலும் அறிந்து கொள்ள கீழே கொடுக்கப்பட்டுள்ள இணைப்புகளை சொடுக்கவும்.
Millet
http://en.wikipedia.org/wiki/Millet

இங்கு வரகரிசி கொண்டு செய்யப்பட்ட உணவு வகைகளின் இணைப்பு கொடுக்கப்பட்டுள்ளது.

• கீழே உள்ள படங்களின் மேல் அம்புக்குறியை [ cursor ஐ ] வைத்தால் சமையல் குறிப்பின் பெயரை அறிந்து கொள்ளலாம்.
• படத்தின் மேல் ஒரு முறை சொடுக்கினால் சமையல் குறிப்பு பதிவை காணலாம்.

சிற்றுண்டி வகைகள்
வரகரிசி உப்புமா	வரகரிசி சுண்டல்	வரகரிசி பொங்கல்
வரகரிசி கொத்தமல்லி பொங்கல்	வரகரிசி வெந்தய கஞ்சி

பாயசம் வகைகள்
வரகரிசி  பாயசம்	வரகரிசி தேங்காய் பாயசம்

கலந்த சாதம் வகைகள்
வரகரிசி புளியோதரை	வரகரிசி தக்காளி சாதம்	வரகரிசி புதினா பிரியாணி

இனிப்பு வகைகள்
வரகரிசி திருவாதிரை களி

சிறுதானிய சமையல் வகைகள்

பலகார வகைகள் 

தொட்டுக்க சட்னி வகைகள் 

Varagarisi Kothamalli Pongal

#வரகரிசிகொத்தமல்லிபொங்கல்  [ #KodoMilletCorianderPongal ] : நான் தற்போது வசிக்கும் ராய்ப்பூரில் #கொத்தமல்லி எல்லா காலங்களிலும் மிகவும் பசுமையாக கிடைக்கும். இந்த முறை காய்கறி மார்கெட் சென்ற போது ஒரு மிகப் பெரிய கொத்தமல்லி கட்டு வாங்கி வந்துவிட்டேன். அதனை காய்ந்து போகாமல் உபயோகிக்க வேண்டுமே!!... அதனால் காலையில் #வரகரிசி ( #வரகு ) கொண்டு #பொங்கல் செய்ய முடிவு செய்த போது அதனுடன் கொத்தமல்லியையும் சேர்த்தால் என்ன என்று தோன்றியது. அவ்வாறு புது முயற்சி செய்த போது உருவானதுதான் இந்த கொத்தமல்லி பொங்கல்.
இனி எப்படி என காணலாம்.

தேவையான பொருட்கள் :

3/4 கப்                            வரகரிசி  [ kodo millet ]
1/4 cup                              பயத்தம் பருப்பு
2                                       பச்சை மிளகாய், நீளமாக கீறி வைக்கவும்.
1/2 cup                             கொத்தமல்லி தழை நறுக்கியது
5 cloves                            பூண்டு, பொடியாக நறுக்கியது
1/4 inch                            இஞ்சி, நசுக்கி வைக்கவும்.
1 Tsp                              சீரகம்
1 Tsp                               மிளகு
1 Tsp                               உப்பு [ அட்ஜஸ்ட் ]

தாளிக்க :
1/2 Tsp                           சீரகம்
12                                   மிளகு
10                                   கறுவேப்பிலை
1 Tsp                              நெய்
1 Tsp                              நல்லெண்ணெய்

மேலே தூவ சிறிது கொத்தமல்லி

செய்முறை :
குக்கரில் வரகரிசியையும் பருப்பையும் எடுத்துக்கொள்ளவும்.
இரு முறை நீர் விட்டு கழுவிக்கொள்ளவும்.
நீரை வடித்து விட்டு 4 கப் தண்ணீர் சேர்க்கவும்.
பின்னர் கொடுக்கப்பட்டுள்ள மற்ற பொருட்களை சேர்த்து நன்கு கலக்கி விடவும்.

குக்கரை மூடி வெயிட் வைக்கவும்.
அடுப்பில் அதிக தீயில் 3 விசில் வரும் வரை வேக விடவும்.
பின்னர் தீயை குறைத்து 5 நிமிடங்கள் வேக விடவும்.
ஆவி அடங்கிய பின்னர் திறக்கவும்.

ஆவி அடங்குவதற்குள் மற்றொரு அடுப்பில் எண்ணெய் சட்டியை வைத்து எண்ணெய் மற்றும் நெய்யை ஊற்றி சூடாக்கவும்.
சீரகத்தை வெடிக்க விட்ட பின்னர் மிளகு சேர்த்து பொரிந்தவுடன் கறுவேப்பிலை சேர்க்கவும். கறுவேப்பிலை பட படவென பொரிந்து அடங்கிய பின்னர் பொங்கலின் மேல் கொட்டவும்.

அதே வாணலியில் முந்திரியையும் சிவக்க வறுத்து சேர்க்கவும்.
நன்கு கரண்டியால் கிளறி விடவும்.

உப்பு சரி பார்க்கவும்.தேவையானால் சிறிது சேர்த்து கிளறவும்.

சூடாக இருக்கும் போதே பரிமாறும் தட்டில் இட்டு கொத்தமல்லி சட்னி அல்லது தேங்காய் சட்னி அல்லது பொங்கல் துவையலுடன் சுவைக்கவும்.

முயற்சி செய்ய மேலும் சில சமையல் குறிப்புகள்

Varagarisi Pudhina Briyani

#வரகரிசிபிரியாணி : #வரகரிசி ஆங்கிலத்தில் Kodo Millet என அழைக்கப்படுகிறது. இது சிறு தானிய வகைகளுள் ஒன்றாகும். சிறு தானியங்கள் மழை அதிகமாக பெய்யாத இடங்களிலும் மண் வளம் நன்றாக இல்லாத இடங்களிலும் கூட நன்கு விளையும். அரிசி மற்றும் கோதுமையை விட இச்சிறுதானியங்களில் விட்டமின் சத்தும் உலோக சத்துக்களும் நிறைந்து காணப்படுகின்றன. சிறு தானியங்களை நமது உணவில் அடிக்கடி சேர்த்துக் கொள்வது நல்லது.
இப்போது பிரியாணி செய்யும் முறையை காண்போம்.

தேவையான பொருட்கள் :
1/2 கப்                                     வரகரிசி
1                                             வெங்காயம், நீள வாக்கில் மெல்லியதாக நறுக்கவும்
1                                              தக்காளி, பொடியாக நறுக்கவும்
1                                             காரட், துண்டுகளாக்கிக் கொள்ளவும்
1/4 கப்                                    காலி ப்ளோவேர் துண்டுகள்
1/4 கப்                                    குடை மிளகாய் துண்டுகள்
6                                             பூண்டு பற்கள்
1 அ 2                                      பச்சை மிளகாய்
1 Tsp                                       இஞ்சி பூண்டு விழுது
1 கப்                                        புதினா
1/4 கப்                                     கொத்தமல்லி தழை
1/4 Tsp                                     மிளகாய் தூள்
1/4 Tsp                                     சீரகத்தூள்
3/4 Tsp                                     உப்பு
3 Tsp                                        எண்ணெய்

தேவையான வாசனை பொருட்கள் :
1/2 Tsp                                     சீரகம்
1/2 Tsp                                     பெருஞ்சீரகம்
1 அங்குல                              இலவங்க பட்டை
1                                               அன்னாசி மொக்கு
2                                              பிரிஞ்சி இலைகள்
4                                              கிராம்பு
2                                              ஏலக்காய்

செய்முறை :
வரகரிசியை கழுவி ஊறவைக்கவும்.
புதினா மற்றும் கொத்தமல்லியையும் தனித்தனியே கழுவி தண்ணீரை வடிய விடவும்.
அடுப்பில் குக்கரை வைத்து எண்ணெய் விட்டு சூடேற்றவும்.
சூடானதும் முதலில் சீரகம் மற்றும் பெருஞ்சீரகத்தை வெடிக்க விட்டு பின்னர் மற்ற வாசனை சாமான்களை சேர்த்து வறுக்கவும்.
பின்னர் பச்சை மிளகாயை இரண்டாக கீறி சேர்க்கவும்.
கொத்தமல்லியையும் மிளகாய் தூளையும் சேர்த்து ஒரு பிரட்டு பிராட்டிய பின்னர் வெங்காயத்தையும் பூண்டையும் சேர்த்து நன்கு வதக்கவும்.
நன்கு வதங்கிய பின்னர் இஞ்சி பூண்டு விழுதை சேர்த்து பச்சை வாசனை போகும் வரை வதக்கவும்.
தக்காளியையும் சேர்த்து வதக்கவும்.
இந்த தருணத்தில் எடுத்துக்கொண்ட எல்லா காய்கறிகளையும் சீர்கதூளோடு சேர்த்து ஒரு கிளறு கிளறி வரகரிசியிளிருந்து தண்ணீரை வடித்து விட்டு சேர்க்கவும்.

அடி பிடிக்காமல் கிளறவும். வரகரிசி நல்ல வெள்ளை நிறமாக மாறியவுடன் புதினா மற்றும் உப்பு சேர்த்து அரை நிமிடம் கிளறிவிடவும்.

பின்பு  1 கப் தண்ணீர் அல்லது 1 கப் பால் சேர்க்கவும்.
நன்கு கலக்கி விடவும்.

குக்கரை மூடி வெயிட் வைத்து 3 விசில் வரும் வரை அதிக தீயில் வைத்து பின்னர் தீயை குறைத்து 3 நிமிடங்கள் வேக வைக்கவும்.
ஆவி அடங்கிய பின்னர் குக்கரை திறக்கவும். மணமும் சுவையும் கூடிய  அருமையான வரகரிசி புதினா பிரியாணி தயார்.
சாரணியால் நசுக்காமல் கிளறி விடவும்.

தயிரில் வெங்காயம், வாழைபூ, காரட், தக்காளி, கொத்தமல்லி, கருவேப்பிலை,பச்சை மிளகாய் ஆகியவற்றை பொடியாக நறுக்கி சேர்த்து உப்பு போட்டு கலக்கி பச்சடி தயார் செய்யவும்.

பரிமாறும் தட்டில் எடுத்து வைத்து தயாரித்த தயிர் பச்சடியுடன் சுவைக்கவும்.

மேலும் சில சமையல் குறிப்புகள் :

Varagarisi Sundal

#வரகரிசிசுண்டல் : #வரகரிசி சிறு தானிய வகைகளுள் ஒன்றாகும். அரிசியை போலவே சமைத்து சாப்பிடலாம். இது சாமை அரிசியை போலவே வடிவத்தில் இருந்தாலும் அளவில் சற்றே பெரியது. 

வரகரிசியை உபயோகித்து அரிசியில் சுண்டல் செய்ததை போலவே செய்யலாம். இனி எவ்வாறு என பார்ப்போம். 

தேவையான பொருட்கள் :

3/4 கப்                                          வரகரிசி [ Kodo Millet ]

1/4 கப்                                          பச்சை பருப்பு [பாசி பருப்பு, சிறு பருப்பு ]
1 பெரிய அளவு                       வெங்காயம், பொடியாக நறுக்கவும்.
10                                                  கறுவேப்பிலை
1 சிறு துண்டு                          இஞ்சி [ விருப்பப்பட்டால் ]

தாளிக்க :
1 Tsp                                           கடுகு
3 Tsp                                           கடலை பருப்பு
3 அ 4  [ அட்ஜஸ்ட் ]            பச்சை  மிளகாய்
1/8 Tsp                                        பெருங்காயம்
2 Tsp                                           நல்லெண்ணெய்

செய்முறை :
வாணலியை  சிறிய தீயில் வைத்து முதலில் வரகரிசியை வெறுமனே வறுக்கவும். கை விடாமல் கிளறிக்கொண்டே இருக்கவும்.
வரகரிசி அதனுடைய இயற்கையான நிறம் மாறி நல்ல வெள்ளை நிறமாக மாறும்.

அந்த தருணத்தில் ஒரு தட்டிலோ அல்லது வாயகன்ற பாத்திரத்திலோ மாற்றி விடவும்.

இப்போது அதே வாணலியில் பருப்பை பொன்னிறமாகும் வரை வறுக்கவும்.

பொன்னிறமாக வறு பட்டதும் அரிசியுடன் சேர்த்து விடவும்.
வறுத்த அரிசி பருப்பை தனியே வைக்கவும்.

அதே வாணலியில் எண்ணெய் விட்டு சூடாக்கவும்.
கடுகை வெடிக்க விட்ட பின்  கடலை பருப்பை சேர்த்து வறுக்கவும்.
பருப்பு பொன்னிறமானதும் பெருங்காயம், கறுவேப்பிலை, மிளகாயை இரண்டாக கீறி  போட்டு மற்றும்   இஞ்சியை சேர்த்து  சிறிது வதக்கிய உடனேயே வெங்காயத்தை சேர்த்து மணம் வரும் வரை வதக்கவும். வெங்காயம்  ரோஸ் நிறமாக மாறினால் போதும்.
2 கப் தண்ணீர் விட்டு உப்பு சேர்க்கவும்.
நன்கு கரண்டியால் கலக்கி விட்டு தீயை அதிகப் படுத்தி கொதிக்க விடவும்.

இந்த நேரத்தில் வரகரிசியையும் பருப்பையும் இரு முறை தண்ணீர் விட்டு கழுவி வைக்கவும்.
 கொதிக்க  ஆரம்பித்ததும் கழுவி வைத்துள்ள வரகரிசி பருப்பை சேர்த்து கலக்கி தீயை சிறியதாக்கி மூடி போட்டு வேக விடவும்.

நடுவில் ஓரிரு முறை மூடியை திறந்து கரண்டியால் கலக்கி விடவும். கிண்டும் போது கவனம் தேவை. அரிசியோ பருப்போ நசுக்கிவிடாமல் கவனமாக கிளற வேண்டும்.
வேக சுமார் பத்து நிமிடங்கள் எடுத்துக்கொள்ளும்.

வெந்தவுடன் அடுப்பை நிறுத்தி விட்டு மேலும் இரண்டு நிமிடங்கள் மூடியால் மூடி வைத்திருக்கவும்.
பின்னர் எடுத்து பரிமாறலாம்.

ஒரு தட்டில் அல்லது கிண்ணத்தில் சுண்டலை வைத்து தேங்காய் துருவலை தூவி தேங்காய் சட்னியுடன் அல்லது பிடித்தமான ஊறுகாயுடன் சுவைக்கவும்.

சுண்டலின் மேல் தேங்காய் துருவல், அதன் மேல் சர்க்கரை தூவி சாப்பிட்டால் சுவை மிகவும் அலாதியாக இருக்கும்.
செய்து சுவைக்கவும்!!!

குறிப்பு :
பச்சை மிளகாய்க்கு பதில்  சிகப்பு மிளகாய் கொண்டும் செய்யலாம்.





மேலும் சில அருமையான சமையல் குறிப்புகள் 

முயற்சி செய்து பார்க்க

அரிசி உப்புமா	அரிசி சுண்டல்	குதிரைவாலி சுண்டல்
புளி சுண்டல்	கொள்ளுசுண்டல்

சிறுதானிய சமையல் வகைகள்

பலகார வகைகள் 

தொட்டுக்க சட்னி வகைகள்