Barnyard-Millet-Fried-Rice

#குதிரைவாலிகாய்கறிசாதம் : #குதிரைவாலி #சிறுதானியம் வகைகளுள் ஒன்று. மற்ற சிறுதானியங்களை போன்று குதிரைவாலியும் அமிலத்தன்மை அற்றது. மேலும் பசைத்தன்மையும் அறவே இல்லாதது.
குதிரைவாலியில் புரதம் மற்ற தானியங்களை காட்டிலும் அதிக அளவிலும் மேலும் எளிதில் செரிக்கக்கூடியதாகவும் உள்ளது.
நார்ச்சத்தும் இரும்பு சத்தும் அதிகமாக உள்ள சிறுதானியமாகும். இதன் glycemic index குறைவானதாக இருக்கிறது. அதனால் இரத்தத்தில் சேரும் குளுகோஸ் அளவும் குறைவாகவே இருக்கிறது.
இத்தகைய மருத்துவ பயன்களை அடங்கியுள்ள குதிரைவாலியை அதிகமாக உணவில் சேர்த்துக்கொள்வது மிகமிக அவசியமானது.

தேவையானவை
1/2 கப்	குதிரைவாலி [ Barnyard millet ]
1 Tsp	சீரகம்
1/2 Tsp	மிளகு இடித்தது
1 Tsp	மிளகு பொடி [ adjust ]
1 big size	வெங்காயம், நறுக்கவும்
1 or 2	பச்சை மிளகாய் [ adjust ]
10 - 15	பூண்டு பற்கள், நறுக்கவும்
2 - 3 Tbsp	பச்சை பட்டாணி
1	காரட், பொடியாக நறுக்கவும்
1/2 Cup	கொத்தமல்லி தழை நறுக்கியது
4 Tsp	நல்லெண்ணெய் [ Til/Sesame oil ]
1 Tsp	நெய் [ optional ]
1/2 Tsp	இஞ்சித் துண்டுகள் [ optional ]

செய்முறை :
குதிரைவாலியை ஓரிரு முறை நன்கு கழுவிய பின்னர் 1 கப் தண்ணீர் விட்டு இரண்டு மணி நேரம் ஊறவைக்கவும்.
இரண்டு மணி நேரம் கழித்து 2/3 லிட்டர் குக்கரில் ஊறவைத்த தண்ணீருடன் குதிரைவாலியை இட்டு மூடி வெயிட் பொருத்தி மிக அதிக தீயில் 3 விசில் வரும் வரை வேக வைக்கவும்.
குக்கரின் ஆவி அடங்கியபின் குக்கரை திறந்து ஒரு வாயகல பாத்திரத்தில் வெந்த குதிரைவாலியை கொட்டி 2 தேக்கரண்டி நல்லெண்ணெய் விட்டு மின் விசிறியின் அடியில் உதிர் உதிராக வரும் வரை ஆற விடவும்.
அடுப்பின் மீது எண்ணெய் சட்டியை வைத்து 2 தேக்கரண்டி எண்ணெய் விட்டு மிதமான தீயில் சூடாக்கவும்.
சூடானதும் சீரகத்தை போட்டு வெடிக்க விடவும்.
அடுத்து இரண்டாக பிளந்த பச்சை மிளகாய், பொடியாக நறுக்கிய பூண்டு மற்றும் வெங்காயம் சேர்த்து 2 நிமிடங்கள் வதக்கவும்.
பின்பு நறுக்கிய கேரட் மற்றும் பச்சை பட்டாணியை போட்டு 5 நிமிடங்கள் வதக்கவும்.
அடுத்து இடித்த மிளகு, உப்பு, நெய், மிளகு பொடி  மற்றும் நறுக்கிய கொத்தமல்லி போட்டு 2 நிமிடங்கள் வதக்கவும்.
இப்போது தீயை அதிகமாக்கி ஆற வைத்துள்ள குதிரைவாலியை சேர்த்து நன்கு கிளறி விடவும்.
உப்பு சரி பார்க்கவும்.
கடைசியாக கொத்தமல்லி தூவி பரிமாறும் பாத்திரத்தில் எடுத்து வைக்கவும்.
பிடித்தமான குருமா/மசாலா குழம்பு டன் சுவைத்து மகிழவும்.






மேலும் சில சமையல் குறிப்புகள் முயற்சி செய்து பார்க்க :

குதிரைவாலி நீர் தோசை

முடக்கத்தான் தோசை

கொடி பசலை தோசை

குதிரைவாலி சர்க்கரை

குதிரைவாலி பாயசம்

குதிரைவாலி சமையல் குறிப்புகளுக்கு கீழே உள்ள இணைப்பை சொடுக்கவும்.

குதிரைவாலி சமையல்



சிறுதானிய சமையல் குறிப்புகளுக்கு கீழே உள்ள இணைப்பை சொடுக்கவும்.

சிறுதானிய சமையல்

Kuthiraivaali-Neer-Dosai

#குதிரைவாலிநீர்தோசை : #குதிரைவாலிஅரிசி அல்லது சுருக்கமாக #குதிரைவாலி #சிறுதானியம் வகைகளுள் ஒன்றாகும். இதனை ஆங்கிலத்தில் Barnyard millet என அழைக்கப் படுகிறது.
எல்லா சிறு தானியங்களும் பசை தன்மை அற்றது. மேலும் உண்டதும் அமிலத்தன்மையை உருவாக்குவது இல்லை. நார் சத்து மிக அதிக அளவில் குதிரைவாலியில் நிறைந்துள்ளது. இதன் பயனை அடைய அரிசி மற்றும் கோதுமையை தவிர இத்தகைய சிறு தானியங்களையும் அவ்வப்போது உணவில் சேர்த்துக்கொள்வது அவசியம்.
இங்கு குதிரைவாலியை உபயோகப்படுத்தி ஒரு அருமையான தோசை செய்யும் முறையை காண்போம்.

தேவையான பொருட்கள் :
2 கப்	குதிரைவாலி அரிசி [ Barnyard millet ]
1/2 கப்	தேங்காய் துருவல்
2 Tsp	உப்பு
1 Tsp	சர்க்கரை

தோசை சுட்டெடுப்பதற்கு தேவையான நல்லெண்ணெய்.

செய்முறை :

குதிரைவாலி அரிசியை இரண்டு முறை கழுவி விட்டு இரண்டு முதல் மூன்று மணி நேரம் ஊறவைக்கவும்.

ஊறிய பிறகு மாவரைக்கும் இயந்திரத்தில் அரிசி மற்றும் தேங்காயை நன்கு மைய அரைத்தெடுக்கவும்.

மாவை ஒரு பாத்திரத்தில் வழித்து எடுக்கவும்.

1/2 கப் தண்ணீர் விட்டு இயந்திரத்தில் ஒட்டிக்கொண்டிருக்கும் மாவையும் கழுவி மாவுடன் சேர்க்கவும்.

உப்பு மற்றும் சர்க்கரை சேர்த்து நன்கு கலக்கி வைக்கவும்.

மாவு நன்கு நீர்க்க இருக்க வேண்டும்.

அப்போதுதான் மெல்லிய தோசையாக சுட முடியும்.

இந்த மாவை புளிக்க வைக்க தேவை இல்லை.

உடனேயே தோசை சுடலாம்.

அடுப்பில் தோசைகல்லை சூடாக்கவும்.

சூடானதும் எண்ணெய் தடவி தோசைகல்லின் வெளி ஓரத்தில் இருந்து நடு வரை மாவை வட்டமாக ஊற்றவும். 

தோசையின் மேலும் விளிம்புகளை சுற்றியும் எண்ணெய் சொட்டு சொட்டாக விடவும்.
சிறிது நேரத்தில் தோசையின் ஓரங்களும் நடுவேயும் சிவக்க ஆரம்பிக்கும்.
தோசை வெந்து விட்டது என கொள்ளலாம்.
மென்மையாக தோசை திருப்பியால் தோசையின் மேல் தெளிக்கப்பட்ட எண்ணெயை பரப்பி விடவும்.
இவ்வாறு செய்வதால் தோசை காய்ந்து போகாமல் இருக்கும்.

இந்த தோசை ஒரு பக்கம் வெந்தால் போதுமானது.
திருப்பிப் போட தேவையில்லை.

தோசையை எடுத்து பரிமாறும் தட்டில் எடுத்து வைக்கவும்.
இதேபோல தோசையை ஒவ்வொன்றாக சுட்டெடுக்கவும்.

சுவையான மென்மையான குதிரைவாலி நீர் தோசை தயார்.
காரமான பூண்டு சட்னி அல்லது தக்காளி சாம்பார் அல்லது தக்காளி சட்னி  யுடன்  சுவைக்கவும்.

மேலும் சில சமையல் குறிப்புகள் முயற்சி செய்து பார்க்க :

ஓட்ஸ் தோசை	முடக்கத்தான் தோசை	கொடி பசலை தோசை
குதிரைவாலி சர்க்கரை	குதிரைவாலி பாயசம்

குதிரைவாலி சமையல் குறிப்புகளுக்கு கீழே உள்ள இணைப்பை சொடுக்கவும்.

குதிரைவாலி சமையல்



சிறுதானிய சமையல் குறிப்புகளுக்கு கீழே உள்ள இணைப்பை சொடுக்கவும்.

சிறுதானிய சமையல்

Kuthiraivaali-Barnyard-Millet

#குதிரைவாலி அல்லது #குதிரைவாலிஅரிசி  #சிறுதானியம் வகைகளுள் ஒன்றாகும். இதில் அடங்கியுள்ள நார் சத்து அரிசி மற்றும் கோதுமையை விட மிக அதிகமாகும்.
இந்த சிறு தானியத்தில் தையமின் [ Thiamin ] என்று சொல்லப்படுகிற  Vitamin b6 அதிக அளவில் நிறைந்துள்ளது.

Kuthiraivaali - Barnyard Millet - குதிரைவாலி

Kuthiraivaali - Barnyard Millet - குதிரைவாலி

English                                     : Barnyard Millet Or Japanese Barnyard Millet
Common Name                       : Sawan Or sanwa Or Samo Or Morio
Marathi & Chhattisgarh       : Bhagar Or Varai
Kannada                                  : Oodalu
Oriya                                        : Kira
Punjabi                                    : Swank
Telugu                                      : Udalu Or Kodi Sama
Scientific Name                       : Echinochloa Frumentacea

Source : Echinochloa , Barnyard Millet 
To know on Millets

இங்கு குதிரைவாலி அரிசி கொண்டு செய்யப்பட்ட சமையல் குறிப்புகள் பட்டியலிடப்பட்டுள்ளன.

• கீழே உள்ள படங்களின் மேல் அம்புக்குறியை [ cursor ஐ ] வைத்தால் சமையல் குறிப்பின் பெயரை அறிந்து கொள்ளலாம்.
• படத்தின் மேல் ஒரு முறை சொடுக்கினால் சமையல் குறிப்பு பதிவை காணலாம்.

டிபன் வகைகள்
குதிரைவாலி சுண்டல்	குதிரைவாலி உப்புமா	குதிரைவாலி இட்லி
குதிரைவாலி பொங்கல்	குதிரைவாலி கொழுக்கட்டை	குதிரைவாலி வெந்தய கஞ்சி
குதிரைவாலி நீர் தோசை

பாயசம் வகைகள்
குதிரைவாலி பால் பாயசம்

கலந்த சாதம் வகைகள்
குதிரைவாலி கொத்தமல்லி சாதம்	குதிரைவாலி வாழைப்பூ புலாவ்	குதிரைவாலி புளியோதரை
குதிரைவாலி சக்கரை பொங்கல்

சிறுதானிய சமையல் வகைகள்

பலகார வகைகள் 

தொட்டுக்க சட்னி வகைகள் 

பல விதவிதமான சமையல் செய்முறைகள்

Kuthiraivaali Kothamalli Rice

#குதிரைவாலிகொத்தமல்லிசாதம் : #குதிரைவாலி #சிறுதானியம் வகைகளுள் ஒன்றாகும். இதற்கு ஆங்கிலத்தில் Barnyard Millet  என பெயர்.
இதனுடைய அறிவியல் பெயர் : Echinochloa frumantacea .
மற்ற சிறு தானியங்களை போல தாது உப்புக்கள் நிறைந்துள்ளது.
இதன் நார்சத்து மற்ற சிறு தானியங்கள் மற்றும் தானியங்களைக் காட்டிலும் அதிக அளவில் நிறைந்துள்ளது.

இதனை கொண்டு சில உணவு வகைகள் செய்யும் முறையை முன்பே பார்த்திருக்கிறோம். அவையாதெனில், குதிரைவாலி பொங்கல், குதிரைவாலி இட்லி, குதிரைவாலி வாழைப்பூ புலாவு , குதிரைவாலி உப்புமா .
இங்கு குதிரைவாலியுடன் கொத்தமல்லி சேர்த்து ஒரு #கலந்தசாதம் செய்வதெப்படி என காண்போம்.

1/2 cup                                   குதிரைவாலி [ Barnyard millet ]

10                                           சின்ன வெங்காயம், பொடியாக நறுக்கவும்.

or

1                                            வெங்காயம், பொடியாக நறுக்கவும்.

6 cloves                                  பூண்டு, பொடியாக நறுக்கவும்.

1/2 cup                                  கொத்தமல்லி தழை பொடியாக நறுக்கியது.

1/2 Tsp                                  மிளகு சீரகபொடி 

1/2 Tsp                                  உப்பு 

To Temper :

1/2 Tsp                                  சீரகம்

2 Tsp                                     நெய்

2 Tsp                                     நல்லெண்ணெய் [ till / sesame oil ]

செய்முறை :

குக்கரில் அரிசியை கழுவி சேர்த்து 1 கப் தண்ணீர் விடவும்.

மூடி போட்டு வெயிட் வைத்து 3 விசில் வரும் வரை அதிக தீயில் வேக விடவும்.

பின்னர் தீயை குறைத்து 3 நிமிடங்கள் வேக விடவும்.

ஆவி அடங்கிய பின்னர் திறந்து ஒரு வாயகன்ற பாத்திரத்தில் கொட்டி 1 Tsp நல்லெண்ணெய் ஊற்றி காற்றாடியின் கீழே வைத்து ஆற விடவும்.

அடுப்பில் வாணலியை வைத்து 1 Tsp எண்ணெய் விட்டு சீரகத்தை வெடிக்க விடவும்.

பின்னர் வெங்காயத்தையும் பூண்டையும் சேர்த்து வாசனை வரும் வரை வதக்கவும்.

பிறகு கொத்தமல்லியை சேர்த்து வதக்கவும்.

மிளகு சீரகப்பொடி மற்றும் உப்பு சேர்த்து ஒரு பிரட்டு பிரட்டி விட்டு அடுப்பை அணைத்து விடவும்

.

இதனை ஆறவிட்ட குதிரைவாலி சாதத்தின் மேல் கொட்டவும்.

நெய் விட்டு தேக்கரண்டியல் மென்மையாக கலந்து விடவும்.

உப்பு மற்றும் மிளகு காரம் சரி பார்க்கவும்.

பரிமாறும் கிண்ணத்தில் எடுத்து வைக்கவும்.

விருப்பமான பொரியல் அல்லது தயிர் பச்சடியுடன் சுவைக்கவும்.

இதனை மற்ற கலந்த சாதங்களை போல மதிய உணவிற்காக டிபன் டப்பாவில் அடைத்து எடுத்துச் செல்லலாம். நன்கு ஆற விட்ட பிறகு அடைத்து மூடி போட்டு மூடி எடுத்துச் செல்வது நலம்.

வேறு சில சமையல் குறிப்புகள் :

Kuthiraivaali Sundal

#குதிரைவாலிசுண்டல் : #குதிரைவாலிஅரிசி அல்லது சுருக்கமாக #குதிரைவாலி #சிறுதானியம் வகைகளுள் ஒன்று. இது ஆங்கிலத்தில் #BarnyardMillet என அழைக்கப்படுகிறது.
குதிரைவாலியை உபயோகித்து அரிசியை  போல எல்லா வகையான  பண்டங்களும் செய்யலாம். இங்கு இதனை உபயோகித்து காலை சிற்றுண்டியான சுண்டல் எவ்வாறு செய்வது என காணலாம்.

தேவையான பொருட்கள் :

3/4 கப்                                          குதிரைவாலி [ barnyard millet ]

1/4 கப்                                          பச்சை பருப்பு [பாசி பருப்பு, சிறு பருப்பு ]
1 பெரிய அளவு                       வெங்காயம், பொடியாக நறுக்கவும்.
10                                                  கறுவேப்பிலை
1 சிறு துண்டு                          இஞ்சி [ விருப்பப்பட்டால் ]

தாளிக்க :
1 Tsp                                           கடுகு
3 Tsp                                           கடலை பருப்பு
3 அ 4  [ அட்ஜஸ்ட் ]            பச்சை  மிளகாய்
1/8 Tsp                                        பெருங்காயம்
2 Tsp                                           நல்லெண்ணெய்

செய்முறை :
வாணலியை  சிறிய தீயில் வைத்து முதலில் குதிரைவாலியை  வெறுமனே வறுக்கவும். கை விடாமல் கிளறிக்கொண்டே இருக்கவும்.
குதிரைவாலி அதனுடைய இயற்கையான நிறம் மாறி நல்ல வெள்ளை நிறமாக மாறும்.
அந்த தருணத்தில் ஒரு தட்டிலோ அல்லது வாயகன்ற பாத்திரத்திலோ மாற்றி விடவும்.

இப்போது அதே வாணலியில் பருப்பை பொன்னிறமாகும் வரை வறுக்கவும்.

பொன்னிறமாக வறு பட்டதும் அரிசியுடன் சேர்த்து விடவும்.
வறுத்த குதிரைவாலி மற்றும் பருப்பை தனியே வைக்கவும்.

அதே வாணலியில் எண்ணெய் விட்டு சூடாக்கவும்.
கடுகை வெடிக்க விட்ட பின்  கடலை பருப்பை சேர்த்து வறுக்கவும்.
பருப்பு பொன்னிறமானதும் பெருங்காயம், கறுவேப்பிலை, மிளகாயை இரண்டாக கீறி  போட்டு மற்றும்   இஞ்சியை சேர்த்து  சிறிது வதக்கிய உடனேயே வெங்காயத்தை சேர்த்து மணம் வரும் வரை வதக்கவும். வெங்காயம்  ரோஸ் நிறமாக மாறினால் போதும்.

2 கப் தண்ணீர் விட்டு உப்பு சேர்க்கவும்.
நன்கு கரண்டியால் கலக்கி விட்டு தீயை அதிகப் படுத்தி கொதிக்க விடவும்.

இந்த நேரத்தில் குதிரைவாலியையும் பருப்பையும் இரு முறை தண்ணீர் விட்டு கழுவி வைக்கவும்.
 கொதிக்க  ஆரம்பித்ததும் கழுவி வைத்துள்ள வரகரிசி பருப்பை சேர்த்து கலக்கி தீயை சிறியதாக்கி மூடி போட்டு வேக விடவும்.

நடுவில் ஓரிரு முறை மூடியை திறந்து கரண்டியால் கலக்கி விடவும். கிண்டும் போது கவனம் தேவை. அரிசியோ பருப்போ நசுக்கிவிடாமல் கவனமாக கிளற வேண்டும்.
வேக சுமார் பத்து நிமிடங்கள் எடுத்துக்கொள்ளும்.

வெந்தவுடன் அடுப்பை நிறுத்தி விட்டு மேலும் இரண்டு நிமிடங்கள் மூடியால் மூடி வைத்திருக்கவும்.
பின்னர் எடுத்து பரிமாறலாம்.

ஒரு தட்டில் அல்லது கிண்ணத்தில் சுண்டலை வைத்து தேங்காய் துருவலை தூவி தேங்காய் சட்னியுடன் அல்லது பிடித்தமான ஊறுகாயுடன் சுவைக்கவும்.

சுண்டலின் மேல் தேங்காய் துருவல், அதன் மேல் சர்க்கரை தூவி சாப்பிட்டால் சுவை மிகவும் அலாதியாக இருக்கும்.
செய்து சுவைக்கவும்!!!

குறிப்பு :
பச்சை மிளகாய்க்கு பதில்  சிகப்பு மிளகாய் கொண்டும் செய்யலாம்.






மேலும் சில அருமையான சமையல் குறிப்புகள் முயற்சி செய்து பார்க்க

அரிசி உப்புமா	அரிசி சுண்டல்	வரகரிசி சுண்டல்
புளி சுண்டல்	கொள்ளுசுண்டல்

காலை சிற்றுண்டி வகைகள்

தொட்டுக்கொண்டு சுவைக்க