Chaat-Vazhaithandu-Chaat

#வாழைத்தண்டுபொரிகலவை [ #வாழைத்தண்டுசாட் ] : #சாட் என்பது கேரட், வெங்காயம், தக்காளி, கொத்துமல்லி தழை மற்றும் மிளகாய்த்தூள், மல்லித்தூள், சாட் மசாலா பொடி போன்றவற்றுடன் பொரி சேர்த்து கலக்கி செய்யப்படும் ஒரு உணவு வகை. அதனை பொரி கலவை என்று தமிழில் கூறலாம். இங்கு அதனுடன் வாழைத்தண்டை பொடியாக நறுக்கி சேர்த்துள்ளேன். வாழைத்தண்டு நார் சத்து நிறைந்த உணவு. வாழைத்தண்டு கொண்டு பொதுவாக வாழைத்தண்டு பொரியல் மற்றும் தயிர் பச்சடி மட்டுமே செய்வது வழக்கம். இங்கு வாழைத்தண்டை உபயோகித்து சாட் செய்யும் முறையை காணலாம். 

தேவையானவை :
1/2 கப்	அரிசிப் பொரி
1/2 கப்	சோளப் பொரி
1/3 கப்	கேரட் சீவியது
1/2 கப்	வாழைத்தண்டு பொடியாக நறுக்கியது
1	தக்காளி, பொடியாக நறுக்கவும்
1	வெங்காயம், பொடியாக நறுக்கவும்
1/4 கப்	கொத்தமல்லி பொடியாக நறுக்கியது
தூள் & சாஸ் :
1/2 Tsp	கொத்தமல்லிதூள்
1/2 Tsp	சீரகத்தூள்
2 சிட்டிகை	மஞ்சத்தூள்
1/4 Tsp	மிளகாய்த்தூள்
1/4 Tsp	சாட் தூள்
1/4 Tsp	உப்பு
1/2 Tsp	கருப்பு உப்பு [ ராக் சால்ட் ]
1/2 Tsp	இனிப்பு & புளிப்பு புளி சாஸ்
1/4 Tsp	தேன்

மேலே கொடுக்கப்பட்டுள்ள காய்கறிகள் மற்றும் தூள்களை அவரவர் சுவைக்கேற்ப கூட்டி குறைத்துக்கொள்ளவும்.

செய்முறை :
பொரி நீங்கலாக கொடுக்கப்பட்டுள்ள அனைத்துப் பொருட்களையும் ஒரு வாயகன்ற பாத்திரத்தில் போட்டு நன்கு கலக்கவும்.
பின்பு பொரி இரண்டையும் சேர்த்து கலக்கவும்.
உப்பு மற்றும் காரம் சரி பார்க்கவும்.
பரிமாறும் கிண்ணத்தில் எடுத்து வைத்து கொத்தமல்லி தழை தூவி சுவைக்கவும்.
கலந்தவுடன் சாப்பிட்டு விடவும். இல்லையெனில் தண்ணீர் விட்டு நசநசவென ஆகிவிடும்.


குறிப்பு : மிளகாய்தூளுக்கு பதிலாக மிளகுத்தூளை சேர்த்துக்கொள்ளலாம்.





சில சமையல் குறிப்புகள் முயற்சி செய்து பார்க்க

மோதகம் காரம்	வாழைப்பூ விரல்கள்	புளிக்கூழ்
பகோடா	பஜ்ஜி

Murungai-keerai-Vazhai-thandu-Poriyal

#முருங்கைக்கீரைவாழைத்தண்டுபொரியல் : #முருங்கைக்கீரை மட்டும் உபயோகித்து பொரியல் செய்வது நமது வழக்கம். அதனுடன் #வாழைத்தண்டை சேர்த்து பொரியல் செய்து பார்த்தேன். அருமையாக இருந்தது. அதன் சமையல் குறிப்பை இங்கு காண்போம்.

தேவையானவை :
1 கப்	முருங்கைக்கீரை
6 - 7 cm நீள	வாழைத்தண்டு
1 Tbsp	கேரட் துருவியது
1	வெங்காயம், நறுக்கவும்
2 Tbsp	தேங்காய் துருவல்
1	பச்சை மிளகாய்
1	சிகப்பு மிளகாய்
1/2 Tsp	கடுகு
1 Tsp	உளுத்தம் பருப்பு
1 Tsp	எண்ணெய்
3/4 Tsp	உப்பு [ அட்ஜஸ்ட் ]

செய்முறை :

ஒரு சிறு துண்டு வாழைத்தண்டை எடுத்துக்கொள்ளவும்.

ஒரு கத்தியினால் வெளி தோலை நீக்கவும்.

பிறகு குறுக்காக வட்ட வில்லையாக நறுக்கவும்.

நறுக்கிய துண்டை தண்டிலிருந்து இழுத்தால் நாறுடன் வரும்.

இந்த நாரை ஆள்காட்டி விரலில் சுற்றி இழுத்து நீக்கவும்.

இதே போல அடுத்த துண்டை வெட்டி நாரை நீக்கவும்.

இவ்வாறு வட்ட வடிவத்தில் வெட்டிய அனைத்து துண்டுகளை சிறிது மோர் கலந்த நீரில் போட்டு வைக்கவும்.
இவ்வாறு மோர் கலந்த நீரில் வாழைத்தண்டு துண்டுகளை போட்டு வைப்பதால் நிறம் மாறாமல் இருக்கும்.
இந்த வட்ட துண்டுகளை மெல்லிய ஈர்குச்சி போல நறுக்கி மீண்டும் அதே தண்ணீரில் போட்டு வைக்கவும்.
முருங்கைக்கீரையை தண்ணீரில் இரண்டு மூன்று முறை நன்கு கழுவிய பின்னர் கத்தியால் நறுக்கி வைக்கவும்.

வாணலியை அடுப்பின் மீது மிதமான தீயில் வைத்து எண்ணெய் விட்டு சூடாக்கவும். 
எண்ணெய் சூடானதும் கடுகு போட்டு வெடித்ததும் சிகப்பு மிளகாயை கிள்ளி போட்டு பின் உளுத்தம் பருப்பை போடவும்.
அடுத்து பச்சை மிளகாயை நீள வாக்கில் கீறி சேர்க்கவும்.
தற்போது நறுக்கி வைத்துள்ள வெங்காயத்தை சேர்த்து வெளிர் நிறமாகும் வரை வதக்கவும்.
இப்போது வாழை  தண்டு மற்றும் கேரட் துருவலை சேர்த்து ஒரு முறை கிளறி விடவும்.
பின்னர் நறுக்கிய முருங்கைக்கீரை மற்றும் உப்பு சேர்த்து நன்கு கிளறி மூடி போட்டு மூடி வேக விடவும்.
முருங்கைக்கீரை மற்றும் வாழைத்தண்டு வேகும் வரை மூடி வைக்கவும்.
இரண்டும் வெந்ததும் தேங்காய் துருவல் சேர்த்து கிளறவும்.
உப்பு சரி பார்க்கவும்.
சுவையும் சத்தும் நிறைந்த முருங்கைக்கீரை வாழைத்தண்டு பொரியல் தயார்.
சாம்பார் மற்றும் ரசம் சாதத்துடன் தொட்டுக்க அருமையாக இருக்கும்.







மேலும் சில சுவையான சமையல் குறிப்புகள் செய்து சுவைக்க

வாழைப்பூ வாழைத்தண்டு தயிர் பச்சடி	கொத்தமல்லி முருங்கை க்கீரை  பொடி	முருங்கை க்கீரை சாதம்
முருங்கைக் கீரை பால் சாறு	வாழைப்பூ முருங்கைக்  கீரை கூட்டு

Vazhai Thandu Thayir Pachadi

#வாழைத்தண்டுதயிர்பச்சடி :  #வாழைத்தண்டு உடலுக்கு மிக மிக நல்லது. சிறுநீரக கல்லையே கரைக்கக்கூடிய தன்மை உடையது. நார் சத்தும் தண்ணீர் சத்தும் அதிகமாகக் கொண்டதாகும். வாழைத்தண்டு பொரியல்தான் இதனை கொண்டு செய்யப்படும் உணவு வகையாகும். தற்போது வாழை தண்டு ஜூஸ் மிக பிரபலமாக உள்ளது.
இந்த வாழை தண்டை உபயோகித்து தயிர் பச்சடி எவ்வாறு செய்யலாம் என காண்போம்.

தேவையான பொருட்கள் :
4 Tsp                                     வாழைத்தண்டு பொடியாக நறுக்கியது
1 Tsp                                     காரட் துருவியது
2 Tsp                                     வெங்காயம் பொடியாக அரிந்தது
1 Tsp                                    கொத்தமல்லி பொடியாக நறுக்கியது
1                                            பச்சை மிளகாய் பொடியாக நறுக்கியது
10                                          கறுவேப்பிலை
1/2 கப்                                 தயிர்
1/2 Tsp                                  உப்பு [ அட்ஜஸ்ட் ]

தாளிக்க :
1/2 Tsp                                 கடுகு
1 Tsp                                    உளுத்தம் பருப்பு
1/2 Tsp                                 எண்ணெய்

செய்முறை :
எல்லாவற்றையும் ஒரு கிண்ணத்தில் போட்டு நன்கு கலக்கவும்.

தேவையான அளவு உப்பு சேர்த்து கலந்து வைக்கவும்.

அடுப்பில் வாணலியை வைத்து 1/2 Tsp எண்ணெய் விட்டு கடுகு உளுத்தம் பருப்பு தாளித்து பச்சடியின் மேலே கொட்டவும்.

புலாவ், பிரியாணி, பிசிபேளே பாத் ஆகியவற்றுடன் தொட்டுக்கொண்டு சாப்பிட அருமையான பச்சடி.






மேலும் சில பச்சடி வகைகள் செய்து சுவைக்க

வாழைப்பூ தயிர்  பச்சடி	பப்பாளி கேரட் சாலட்	பப்பாளி முள்ளங்கி சாலட்
மாங்காய் பச்சடி	நெல்லிக்காய் தயிர் பச்சடி

Vazhai Thandu Stir fry

வாழைத்தண்டு துவட்டல் : 
வாழை மரத்தின் அனைத்து பொருட்களுமே உபயோகமானதாகும். தண்டு நார் சத்து மிகுந்தது. மேலும் அதிக நீர் சத்து உடையதாகவும் இருக்கிறது. சிறுநீரக கல்லை கரைக்கும் சக்தி கொண்டதாகும். அவ்வப்போது இதனை சமையலில் சேர்த்துக் கொள்வது நலமாகும்.

மிக மிக எளிதான துவட்டல் ! பச்சை பருப்பு  சேர்த்து செய்யும் போது  சுவையோ மிக மிக அருமை!!! இனி எப்படி என பார்க்கலாம்.

தேவையான பொருட்கள் :

20 cm நீளமான                         வாழை தண்டு
1/8 கப்                                          பச்சை பருப்பு, பத்து நிமிடம் ஊறவைக்கவும்
1 சிறிய அளவு                         வெங்காயம், பொடியாக நறுக்கவும்
1 Tsp                                              காரட் துருவியது
1 அ 2                                            சிவப்பு மிளகாய், உடைத்து வைக்கவும்
2 சிட்டிகை                                மஞ்சத்தூள்
6                                                    கருவேப்பிலை
2 Tbsp                                            கொத்தமல்லி தழை பொடியாக நறுக்கியது
1/2 Tsp                                           கடுகு
1 Tsp                                              உளுத்தம் பருப்பு
1 Tsp                                             எண்ணெய்
1 Tbsp                                           தேங்காய் துருவல்

செய்முறை :
மேலே தண்டை மூடியிருக்கும் தோலை அகற்றவும்.

குறுக்காக வட்ட வட்டமாக நறுக்கி நாரை நீக்கவும்.

பிறகு ஒரே மாதிரி அளவுடன் கூடிய துண்டுகளாக நறுக்கி தண்ணீரில் போட்டு வைக்கவும்.

அடுப்பில் வாணலியை வைத்து எண்ணெய் விட்டு சூடாக்கி கடுகை வெடிக்க விடவும். பின்னர் மிளகாய் துண்டுகளையும் உளுத்தம் பருப்பையும் சேர்க்கவும்.
அடுத்து மஞ்சத்தூள், கருவேப்பிலை, கொத்தமல்லி சிறிது மற்றும் வெங்காயம் சேர்த்து வதக்கவும்.
தண்ணீரை வடித்து விட்டு பருப்பை சேர்த்து சில மணி துளிகள் வதக்கி, பிறகு

உப்பு மற்றும் அரிந்து வைத்துள்ள காய், துருவிய காரட் சேர்த்து கிளறி மூடியிட்டு வேகவைக்கவும்.

எளிதில் வேகக் கூடியதாகையால் மிகுந்த நேரம் எடுக்காது.
வெந்ததும் தேங்காய் துருவல் சேர்த்து பிரட்டி பரிமாறும் பாத்திரத்தில் எடுத்து வைக்கவும்.

கொத்தமல்லி தழையால் அலங்கரிக்கவும்.

சாம்பார் மற்றும் ரசம் சாதத்துடன் தொட்டுக் கொண்டு சாப்பிட ஏற்ற துவட்டலாகும்..

Vazhai Thandu Poriyal

வாழைத்தண்டு பொரியல் : வாழை மரத்தின் அனைத்து பொருட்களுமே உபயோகமானதாகும். தண்டு நார் சத்து மிகுந்தது. மேலும் அதிக நீர் சத்து உடையதாகவும் இருக்கிறது. சிறுநீரக கல்லை கரைக்கும் சக்தி கொண்டதாகும். அவ்வப்போது இதனை சமையலில் சேர்த்துக் கொள்வது நலமாகும்.
மிக மிக எளிதான பொரியல்! ஆனால் சுவையோ மிக மிக அருமை!!! இனி எப்படி என பார்க்கலாம்.

தேவையான பொருட்கள் :
20 cm நீளமான                         வாழை தண்டு
1 சிறிய அளவு                         வெங்காயம், பொடியாக நறுக்கவும்
1 அ 2                                            சிவப்பு மிளகாய், உடைத்து வைக்கவும்
2 சிட்டிகை                                மஞ்சத்தூள்
6                                                    கருவேப்பிலை
2 Tbsp                                            கொத்தமல்லி தழை பொடியாக நறுக்கியது
1/2 Tsp                                           கடுகு
1 Tsp                                              உளுத்தம் பருப்பு
1 Tsp                                             எண்ணெய்
1 Tbsp                                           தேங்காய் துருவல்

செய்முறை :
மேலே தண்டை மூடியிருக்கும் தோலை அகற்றவும்.

குறுக்காக வட்ட வட்டமாக நறுக்கி நாரை நீக்கவும்.

பிறகு ஒரே மாதிரி அளவுடன் கூடிய துண்டுகளாக நறுக்கி தண்ணீரில் போட்டு வைக்கவும்.

அடுப்பில் வாணலியை வைத்து எண்ணெய் விட்டு சூடாக்கி கடுகை வெடிக்க விடவும். பின்னர் மிளகாய் துண்டுகளையும் உளுத்தம் பருப்பையும் சேர்க்கவும்.
அடுத்து மஞ்சத்தூள், கருவேப்பிலை, கொத்தமல்லி சிறிது மற்றும் வெங்காயம் சேர்த்து வதக்கவும்.

உப்பு மற்றும் அரிந்து வைத்துள்ள காயை சேர்த்து கிளறி மூடியிட்டு வேகவைக்கவும்.

எளிதில் வேகக் கூடியதாகையால் மிகுந்த நேரம் எடுக்காது.
வெந்ததும் தேங்காய் துருவல் சேர்த்து பிரட்டி பரிமாறும் பாத்திரத்தில் எடுத்து வைக்கவும்.

கொத்தமல்லி தழையால் அலங்கரிக்கவும்.

சாம்பார் மற்றும் ரசம் சாதத்துடன் தொட்டுக் கொண்டு சாப்பிட ஏற்ற பொரியலாகும்.